BREAKING: அதிர்ச்சி மேல் அதிர்ச்சி! 2 முறை உயர்வு... ஒரே நாளில் சவரனுக்கு ரூ.2,560 உயர்ந்த தங்கம் விலை! வெள்ளி விலையும் அதிகரிப்பு!
சர்வதேச பொருளாதார நிச்சயமின்மையால் சென்னையில் தங்கம், வெள்ளி விலை ஒரே நாளில் கடுமையாக உயர்ந்து சவரன் ரூ.1.14 லட்சத்தை கடந்துள்ளது.
- Feb 3, 2026 15:55:27 PM
by
Web Team
- #தமிழகம் #வர்த்தகம்
சர்வதேச அரசியல் மற்றும் பொருளாதார மாற்றங்களின் தாக்கம் தற்போது நேரடியாக தங்கம், வெள்ளி சந்தையில் எதிரொலித்து வருகிறது. பாதுகாப்பான முதலீடாக கருதப்படும் தங்கத்தை நோக்கி முதலீட்டாளர்கள் அதிகம் நகர்வதால், விலை தொடர்ந்து உச்சத்தை நோக்கி செல்கிறது.
சர்வதேச சூழல் ஏற்படுத்திய தாக்கம்
ரஷ்யா - உக்ரைன் மோதல், மத்திய கிழக்கில் நிலவும் பதற்றம் மற்றும் ட்ரம்பின் சில அதிரடி அரசியல் நடவடிக்கைகள் உள்ளிட்ட பல காரணங்களால் உலகளவில் பொருளாதார தன்மை பாதிக்கப்பட்டுள்ளது. இதன் விளைவாக முதலீட்டாளர்கள் பாதுகாப்பு கருதி தங்கத்தில் முதலீடு செய்ய தொடங்கியுள்ளனர். இதனால் தங்கம் தற்போது சாமானிய மக்களுக்கு எட்டாக் கனியாக மாறியுள்ளது.
இதையும் படிங்க: BREAKING : உச்சக்கட்ட அதிர்ச்சி! தங்கம் விலை ஒரே நாளில் சவரனுக்கு ரூ.1,600 உயர்வு! இன்றைய தங்கம் விலை நிலவரம் இதோ...!
வரலாறு காணாத தங்கம் விலை உயர்வு
கடந்த சில நாட்களாக தங்கம் விலை அதிரடியாக உயர்ந்து, சில நேரங்களில் சற்று குறைந்தாலும் மீண்டும் வேகமாக உயர்ந்து வருகிறது. கடந்த மாதம் 15-ம் தேதி சவரனுக்கு ரூ.1 லட்சத்தை கடந்த தங்கம் விலை, பின்னர் குறைந்த நிலையில் இருந்தது. தற்போது மீண்டும் அந்த எல்லையை தாண்டி தங்கம் விலை உயர்வு புதிய சாதனை படைத்துள்ளது.
சென்னையில் ஒரே நாளில் இரட்டை உயர்வு
இன்று சென்னையில் தங்கம் விலை ஒரே நாளில் இரண்டு முறை உயர்ந்துள்ளது. காலை நேரத்தில் ஒரு கிராமுக்கு ரூ.80 உயர்ந்த நிலையில், பிற்பகலில் மேலும் ரூ.240 உயர்ந்து ரூ.14,270க்கு விற்பனை செய்யப்படுகிறது. இதனால் சவரனுக்கு காலை ரூ.640 உயர்ந்ததுடன், பிற்பகலில் ரூ.1,920 கூடுதலாக உயர்ந்து ரூ.1,14,160 ஆக விற்பனை செய்யப்படுகிறது. ஒரே நாளில் ரூ.2,560 உயர்வு ஏற்பட்டதால் நகை வாங்க வந்தவர்கள் அதிர்ச்சியடைந்துள்ளனர்.
வெள்ளி விலையும் அதிரடி மாற்றம்
இன்று காலை குறைந்திருந்த வெள்ளி விலை, பிற்பகலில் திடீரென உயர்ந்துள்ளது. ஒரு கிராம் வெள்ளி ரூ.20 உயர்ந்து ரூ.300க்கு விற்பனை செய்யப்படுகிறது. இதன் மூலம் ஒரு கிலோ வெள்ளி ரூ.20,000 உயர்ந்து ரூ.3 லட்சம் என்ற அளவுக்கு சென்றுள்ளது.
சர்வதேச நிச்சயமின்மை தொடரும் வரை Gold Price Today சென்னை உள்ளிட்ட சந்தை நிலவரங்களில் பெரிய மாற்றங்கள் காணப்படும் என பொருளாதார நிபுணர்கள் தெரிவிக்கின்றனர். முதலீட்டாளர்கள் மட்டுமின்றி பொதுமக்களும் விலை மாற்றங்களை கவனமாக கண்காணிக்க வேண்டிய சூழல் உருவாகியுள்ளது.
இதையும் படிங்க: தங்கம் விலை மீண்டும் உயர்வு! சவரனுக்கு ரூ. 640 அதிகரித்தது..... இன்றைய தங்கம் விலை நிலவரம் இதோ!
