காமன்வெல்த் போட்டி 2022-ல் வரலாற்று சாதனை.! உலக நாடுகளை திரும்பிப் பார்க்கவைத்த இந்திய பெண்கள் அணி.!

22-வது காமன்வெல்த் போட்டிகள் இங்கிலாந்து நாட்டில் கடந்த மாதம் 28-ம் தேதி தொடங்கி நடைபெற்று வருகிறது. 77 நாடுகள் பங்கேற்றுள்ள காமன்வெல்த் போட்டிகள் வரும் 8-ம் தேதி வரை நடைபெற உள்ளது. காமன்வெல்த் போட்டியில் அதிக பதக்கங்களை வென்று ஆஸ்திரேலியா முதல் இடத்தில் உள்ளது.

காமன்வெல்த் போட்டியில் இந்திய அணி 6-வது இடத்தில் உள்ளது. 5 தங்கம், 5 வெள்ளி, 3 வெண்கலம் என மொத்தம் 13 பதக்கங்களை வென்று இந்திய அணி புள்ளிப்பட்டியலில் 6-வது இடத்தில் உள்ளது. புல்வெளி பந்துவீச்சு(Lawn Bowls) போட்டியில் இந்திய மகளிர் பவுண்டரிகள் அணி செவ்வாய்க்கிழமை தங்கப் பதக்கம் வென்று வரலாறு படைத்தது.

A Historic Gold for India in #CommonwealthGames Lawn Bowls!

Absolutely ecstatic that our Women's Fours Team - Lovely Choubey, Pinki , Nayanmoni Saikia & Rupa Rani Tirkey has fetched the nation its first ever #LawnBowls medal defeating South Africa 17-10 in the final ! pic.twitter.com/8Pbio6W0qB

— Anurag Thakur (@ianuragthakur) August 2, 2022

புல்வெளி பந்துவீச்சு (Lawn Bowls) போட்டியில் இந்தியா பதக்கம் வெல்வது இதுவே முதல்முறை என்பதால் இது ஒரு வரலாற்று சாதனையாக அமைந்தது. இந்திய அணி இறுதிப்போட்டியில் 17-10 என்ற கணக்கில் தென்னாப்பிரிக்காவை வீழ்த்தியது. காமன்வெல்த் போட்டி வரலாற்றில் புல்வெளி பந்துவீச்சு போட்டியில் முதல் முறையாகா தங்கம் வென்று உலக நாடுகளை திரும்பிப் பார்க்கவைத்துள்ளது இந்திய பெண்கள் அணி.