இரும்புசத்து, ஊட்டச்சத்து நிறைந்த தேங்காய்ப்பால் அல்வா.. இன்றே செய்து அசத்துங்கள்..!!

தேங்காய் பாலில் இரும்புசத்து, ஊட்டச்சத்து, கொழுப்பு அதிகமாக இருப்பதால் வாரம் இருமுறை உணவில் சேர்த்துக்கொள்வது அவசியம். தேங்காய்ப்பால் அல்வா எப்படி செய்வது என தற்போது காணலாம்.

தேவையான பொருட்கள் :

முந்திரிப் பருப்பு - 10 கிராம்

நெய் - இரண்டு தேக்கரண்டி 

பச்சரிசி - 3 தேக்கரண்டி 

தேங்காய் - ஒன்று 

வெண்ணெய் - இரண்டு தேக்கரண்டி

ஏலக்காய் பொடி - 2 தேக்கரண்டி 

நாட்டு சர்க்கரை - ஒரு கப்

செய்முறை :

★முதலில் பச்சரிசியை அரை மணி நேரம் ஊறவைத்து மிக்ஸியில் அரைக்க வேண்டும்.

★அடுத்து தேங்காயை சிறு துண்டுகளாக்கி மிக்ஸியில் போட்டு கெட்டியான தேங்காய் பாலாக எடுக்கவும்.

★பின் ஒரு பத்தை தேங்காய் எடுத்து பொடியாக நறுக்கி தனியாக எடுத்துக் கொள்ளவும்.

★ஒரு கடாயில் நெய் ஊற்றி, முந்திரிப்பருப்பை இரண்டாக உடைத்து வறுக்க வேண்டும். பின்பு பொடியாக நறுக்கிய தேங்காயையும் பொன்னிறமாக வறுக்க வேண்டும்.

★அடுத்து கடாயில் வெண்ணெய் சேர்த்து உருகியதும், திக்கான தேங்காய்பால் எடுத்து ஊற்ற வேண்டும்.

★தேங்காய்பாலை நன்றாக கிளறிவிட்டு, அரைத்த பச்சரிசி மாவை ஊற்றி கலக்கி நாட்டு சர்க்கரை வேண்டும்.

★அடுப்பை சிம்மில் வைத்து இடைவிடாமல் 15 நிமிடம் கிளறி, ஏலக்காய்த்தூளை சேர்த்து நன்றாக கிளறி விட வேண்டும்

★கட்டியில்லாமல் இடையிடையே கிளறி, அல்வா பதத்திற்கு வந்ததும் தேங்காய்பால் அல்வா தயாராகிவிடும்

★இறுதியாக முந்திரி பருப்பு மற்றும் வறுத்த தேங்காய் போட்டு இறக்கி பரிமாறினால் சுவை அமிர்தத்தை மிஞ்சும் அளவிற்கு இருக்கும்.