நாவில் சுவையை தூண்டும் கத்தரிக்காய் பஜ்ஜி செய்வது எப்படி.?

குழந்தைகள் முதல் பெரியவர்கள் வரை அனைவரும் பஜ்ஜி என்றால் விரும்பி சாப்பிடுவார்கள். அந்த வகையில் வெங்காயம், உருளை, வாழைக்காய் ஆகியவற்றில் தான் பஜ்ஜி செய்து சாப்பிட்டிருப்போம்‌. சற்று வித்தியாசமாக கத்தரிக்காய் கொண்டு பஜ்ஜி செய்வது எப்படி என்று இங்கு பார்ப்போம்.

தேவையான பொருட்கள்:
பெரிய கத்திரிக்காய் - 2 
கடலை மாவு - 1 கப் 
அரிசி மாவு - 1/4 கப் பெருங்காயத் தூள் - 1/2 டீஸ்பூன் 
இஞ்சி பூண்டு விழுது - 2 டேபிள் ஸ்பூன் 
மிளகாய் தூள் - 2 டீஸ்பூன் பேக்கிங் சோடா - 1 டீஸ்பூன் உப்பு - சுவைக்கேற்ப

முதலில் கத்தரிக்காயை நீள அல்லது வட்ட வடிவில் வெட்டி எடுத்து கொள்ள வேண்டும். பின் ஒரு பாத்திரத்தில் கடலை மாவு, அரிசி மாவு, பெருங்காயத் தூள், மிளகாய் தூள், இஞ்சி பூண்டு பேஸ்ட், பேக்கிங் சோடா மற்றும் தேவையான அளவு உப்பு சேர்த்து, நீர் ஊற்றி பஜ்ஜி மாவு பதத்திற்கு கலந்து கொள்ள வேண்டும்.

அடுப்பை பற்ற வைத்து அதில் ஒரு வாணலியை வைத்து எண்ணெய் ஊற்றி காய்ந்ததும் நறுக்கிய கத்திரிக்காயை பஜ்ஜி மாவில் பிரட்டி, எண்ணெயில் போட்டு பொன்னிறமாக பொரித்து எடுத்தால், சுவையான கத்திரிக்காய் பஜ்ஜி தயார்.