குழந்தைகள் மீதான பாலியல் வன்முறைக்கு மரண தண்டனை! அணைத்து பெற்றோர்களும் மகிழ்ச்சி! - TamilSpark
TamilSpark Logo
இந்தியா

குழந்தைகள் மீதான பாலியல் வன்முறைக்கு மரண தண்டனை! அணைத்து பெற்றோர்களும் மகிழ்ச்சி!

பிரதமர் நரேந்திர மோடி தலைமையில் மத்திய அமைச்சர் சபை கூட்டம் நேற்று டெல்லியில் நடைபெற்றது. இந்த கூட்டத்தில் பல்வேறு சட்டமசோதா மற்றும் திட்டங்களுக்கு ஒப்புதல் அளிக்கப்பட்டது.

பாலியல் குற்றங்களில் இருந்து குழந்தைகளை பாதுகாக்கும் (போக்சோ) சட்டத்தில் பல்வேறு திருத்தங்களை செய்வதற்கு ஒப்புதல் அளிக்கப்பட்டது. அதன்படி குழந்தைகள் மீதான பாலியல் வன்முறைக்கு மரண தண்டனை விதிக்கும் வகையில் போக்சோ சட்டத்தின் 4, 5 மற்றும் 6-வது பிரிவுகளில் திருத்தம் செய்ய மந்திரி சபை ஒப்புதல் அளித்தது. 

மேலும், குழந்தைகளை ஆபாச படங்களில் பயன்படுத்தினால் அபராதம் மற்றும் சிறை தண்டனை வழங்கும் வகையில் இந்த சட்டத்தின் 14 மற்றும் 15-வது பிரிவுகளில் திருத்தம் செய்ய ஒப்புதல் வழங்கப்பட்டது.

கடுமையான தண்டனை வழங்குவது மூலமாக குழந்தைகள் மீதான பாலியல் குற்றங்களை தடுக்கலாம் என்பதற்காகவும் குழந்தைகளின் கண்ணியத்தையும், பாதுகாப்பையும் உறுதி செய்ய இதுபோன்ற கடுமையான தண்டனை அவசியமாகிறது என்றும் தெரிவிக்கப்பட்டு உள்ளது. இந்த திருத்தத்திற்கு அணைத்து பெற்றோர்களும் மகிழ்ச்சியடைந்துள்ளனர்.
 


Advertisement


ServiceTree
தொடர்புடைய செய்தி:


TamilSpark Logo