இளம் பெண் வரவேற்பாளர் கொலை எதிரொலி: பா.ஜ.க பிரமுகரின் ரிசார்ட் இடிப்பு!

உத்தரகாண்ட் மாநிலம் ரிஷிகேஷ் பகுதியில் 19 வயது பெண் வரவேற்பாளரை கொலை செய்ததாகக் கூறி கைது செய்யப்பட்ட பா.ஜ.க தலைவரின் மகன் புல்கித் ஆர்யாவுக்குச் சொந்தமான வனதாரா ரிசார்ட்  மாநில அரசின் உத்தரவின் பேரில் இடிக்கப்பட்டுள்ளது. இளம்பெண் கொலைக்கு எதிர்ப்பு ஏற்பட்ட நிலையில், உத்தரகாண்ட் முதல்வர் புஷ்கர் சிங் தாமி  ரிசார்ட்டை இடிக்க உத்தரவிட்டார்.

உத்தரகாண்ட் முதல்வர் புஷ்கர் சிங் தாமி வழங்கிய ரிசார்ட் ஆர்டர்களை இடிக்கும் பணி நடைபெற்று வருகிறத  என்று முதல்வரின் சிறப்பு முதன்மை செயலாளர் அபினவ் குமார் தெரிவித்தார். குற்றம் சாட்டப்பட்ட ரிசார்ட்டின் உரிமையாளரான புல்கித் ஆர்யா, ரிசார்ட் மேலாளர் சவுரப் பாஸ்கர் மற்றும் உதவி மேலாளர் அங்கித் குப்தா ஆகிய மூவரும் 14 நாள் நீதிமன்ற காவலுக்கு அனுப்பப்பட்டதாக காவல்துறையினர் தெரிவித்தனர்.

மேலும், இளம்பெண் கொல்லப்பட்ட நிலையில், கடும் போராட்டங்களைத் தொடர்ந்து மாநிலத்தில் உள்ள அனைத்து ரிசார்ட்டுகளையும் விசாரிக்க மாவட்ட ஆட்சியர்களுக்கு முதல்வர் உத்தரவிட்டுள்ளார். சட்ட விரோதமாக செயல்படும் ரிசார்ட்டுகள் மீது தேவையான நடவடிக்கை எடுக்கப்படுவதை உறுதி செய்யவும் முதல்வர் உத்தரவிட்டுள்ளார்.