நீச்சல் அடித்து கொண்டிருந்த இளைஞரை வீடியோ எடுத்த நண்பர்! அடுத்த நொடியே நடந்த பகீர் சம்பவம்! அதிர்ச்சியூட்டும் வீடியோ வைரல்...

மத்தியப் பிரதேசம் மாநிலத்தின் தலைநகரான போபாலில் உள்ள காளியாசோட் அணையில் ஒருவர் உயிரிழந்த சம்பவம் பெரும் அதிர்ச்சியை ஏற்படுத்தியுள்ளது. நண்பர்களுடன் குளிக்க சென்ற இளைஞர், திடீரென தண்ணீரில் மூழ்கி உயிரிழந்தது தொடர்பான வீடியோ தற்போது சமூக ஊடகங்களில் வைரலாக பரவி வருகிறது.

1 நிமிடம் 23 வினாடிகள் கொண்ட வீடியோவில், ஒரு இளைஞர் கரையில் நின்றபோது மற்றொரு இளைஞர் நீந்திக் கொண்டிருந்ததை காணலாம். திடீரென அவர் காணாமல் போனதும், நண்பர்கள் தேடியும் எந்தவிதமான தடயமும் கிடைக்காததும் வீடியோவில் பதிவு செய்யப்பட்டுள்ளது.

இந்த மரணவிபத்து திங்களன்று காலை ஏற்பட்டது. அந்த நேரத்தில் அங்கிருந்த மூன்றாவது இளைஞர் ஒருவர் வீடியோ எடுத்து கொண்டிருந்தார். அதில் காணப்படும் காட்சி, அந்த இளைஞர் நீரில் படிப்படியாக ஆழமாக சென்றதையும், தன்னை மீட்க முடியாமல் நீரில் மாயமானதையும் காட்டுகிறது.

இதையும் படிங்க: Video : உலகிலேயே மிக சிறிய பசு இனம் இதுதானாம்! குட்டியா கொலுகொலுன்னு அழாகா இருக்கே! வியக்க வைக்கும் வீடியோ...

போலீசார் மீட்பு நடவடிக்கை

சம்பவம் குறித்து தகவல் அறிந்த போலீசார் மற்றும் டைவர்ஸ் விரைந்து சம்பவ இடத்துக்கு வந்து, உடலை மீட்டனர். இந்த விபத்து, மத்தியப் பிரதேசத்தில் கனமழை மற்றும் வெள்ளப்பெருக்கு நிலவிக்கொண்டிருக்கும் சூழ்நிலையில் நடந்தது என்பது குறிப்பிடத்தக்கது.

மாநிலம் முழுவதும் வெள்ள அபாயம்

கடந்த சில நாட்களாக தொடர்ந்து பெய்து வரும் கனமழை, பல மாவட்டங்களில் ஆறுகள், ஓடைகள் வெள்ளப்பெருக்குடன் கொட்டுகின்றன. இதனால் நீர் நிலைகள் அதிகரித்து, பல பகுதிகளில் வெள்ளம் போன்ற சூழ்நிலை ஏற்பட்டுள்ளது. அதிகாரிகள் பொதுமக்களுக்கு எச்சரிக்கை விடுத்து, அணைகள் மற்றும் ஆறுகளுக்கு அருகே செல்ல வேண்டாம் என அறிவுறுத்தி வருகின்றனர்.

இந்த சம்பவம், சமூக ஊடகங்களில் பிரபலமாவது மட்டுமே நோக்கமாக கொண்டு வீடியோ எடுப்பது எவ்வளவு ஆபத்தான முடிவாக இருக்கக்கூடும் என்பதற்கான உணர்வூட்டும் எடுத்துக்காட்டாகும். பாதுகாப்பை மீறி செயல்படுவது வாழ்க்கையையே இழக்கும் நிலைக்கு இட்டுச் செல்லக்கூடும் என்பதை நினைவில் கொள்ள வேண்டும்.

இதையும் படிங்க: Video : லிப்டுக்குள் வைத்து 12 வயது சிறுவனின் கையை கடித்து கதற கதற... கொடூரமாக நடந்து கொண்ட நபர்! பதறவைக்கும் சிசிடிவி காட்சி...