தொண்டையில் சிக்கிய உணவு! துடித்துடித்து போய்... ஒத்த நாற்காலியால் உயிர் தப்பிய டாக்டர்! பலரும் தெரிந்து கொள்ள வேண்டிய வீடியோ!!!

அமெரிக்காவின் வாஷிங்டனில், பணியின்போது உணவு தொண்டையில் சிக்கி மூச்சுத்திணறிய மருத்துவத் தொழில்நுட்ப நிபுணர் ஒருவர், யாருடைய உதவியும் இல்லாமல் தன்னைத்தானே காப்பாற்றிக் கொண்ட சம்பவம் கவனம் பெற்றுள்ளது. திடீர் அவசரநிலையிலும் அவர் காட்டிய நிதானம் பலரையும் ஆச்சரியப்படுத்தியுள்ளது.

அலுவலகத்தில் நடந்த அதிர்ச்சி 

எலியாஸ் என்ற மருத்துவத் தொழில்நுட்ப வல்லுநர், தனது அலுவலக மேஜையில் அமர்ந்து மதிய உணவு சாப்பிட்டு கொண்டிருந்தார். தகவலின்படி, எதிர்பாராத விதமாக ஒரு உணவுத் துண்டு அவரது மூச்சுக் குழாயில் சிக்கியது. இதனால் கடுமையான மூச்சுத்திணறல் ஏற்பட்டது. அருகில் உதவிக்கு யாரும் இல்லாத சூழலில், சில விநாடிகளில் நிலைமை மோசமடைந்தது.

இதையும் படிங்க: அந்த மனசு இருக்கே.... சொல்ல வார்த்தையே இல்ல! பள்ளியில் தாய்க்காக மகன் செய்த செயல்! அந்த காட்சியை நீங்களே பாருங்க! நெகிழ்ச்சி வீடியோ!!!

நாற்காலியுடன் செய்த தன்னார்வ முதலுதவி

அந்த நெருக்கடியான நேரத்தில் பதற்றமடையாமல் இருந்த எலியாஸ், உடனடியாக ஒரு நாற்காலியை பயன்படுத்த முடிவு செய்தார். தனது வயிற்றுப் பகுதியை நாற்காலியின் பின்புற விளிம்பில் வைத்து, வேகமாக அழுத்தம் கொடுத்து Heimlich Maneuver முறையைத் தானே செயல்படுத்தினார். தொடர்ந்து செய்த அந்த அழுத்தத்தால், மூச்சுக் குழாயில் சிக்கியிருந்த உணவு வெளியேறியது.

வைரலான சிசிடிவி காட்சி

இதையடுத்து அவர் மீண்டும் சீரான நிலைக்கு திரும்பினார். இந்த சம்பவம் தொடர்பான சிசிடிவி காட்சிகள் தற்போது சமூக வலைதளங்களில் வைரலாகி வருகின்றன. தனியாக இருக்கும் போது அவசரநிலையில் எப்படி செயல்பட வேண்டும் என்பதற்கான உதாரணமாக இதை பலரும் பகிர்ந்து வருகின்றனர். நெருக்கடியான நேரத்தில் நிதானமாக சிந்திப்பதே உயிரைக் காக்கும் என்பதை இந்த சம்பவம் நினைவூட்டுகிறது.

இதையும் படிங்க: தக்க நேரத்தில் எடுத்த துணிச்சல் முடிவு! மின்சாரம் தாக்கி நின்ற மூச்சு..... அடுத்த நொடி மார்பில் அமுக்கி கொடுத்த CPR....மரணத்தை வென்ற தொழிலாளி! வைரலாகும் வீடியோ..!!!