அமெரிக்க நடத்திய 2 மணி நேர தீவிர வான்வழி தாக்குதல்.! பதிலடித் தாக்குதலால் மத்திய கிழக்கில் பதற்றம்!!!
அமெரிக்க நிலைகளை குறிவைத்து ஈரான் நடத்திய ஏவுகணைத் தாக்குதலுக்கு பதிலடியாக, ஈரானின் முக்கிய ராணுவ இலக்குகள் மீது இரண்டு மணி நேரத்திற்கும் மேலாக அமெரிக்கா தீவிர வான்வழித் தாக்குதல் நடத்தியதாக அதிகாரப்பூர்வ தகவல் வெளியாகியுள்ளது.
by
அமெரிக்க நிலைகளை குறிவைத்து ஈரான் நடத்திய ஏவுகணைத் தாக்குதலுக்கு பதிலடியாக, ஈரானின் முக்கிய ராணுவ இலக்குகள் மீது அமெரிக்கா நீண்ட நேர வான்வழித் தாக்குதல் நடத்தியதாக அதிகாரப்பூர்வ தகவல் வெளியாகியுள்ளது. இந்த நடவடிக்கை மத்திய கிழக்கில் பதற்றத்தை மேலும் அதிகரித்துள்ளது.
ஏவுகணைத் தாக்குதலுக்கு உடனடி பதிலடி
அமெரிக்க பாதுகாப்பு அதிகாரிகள் வெளியிட்ட தகவலின்படி, ஈரான் ஏவிய ஏவுகணைகள் பாதுகாப்பு அமைப்புகளால் வெற்றிகரமாக இடைமறித்து அழிக்கப்பட்டதால், அமெரிக்க தளங்களில் உயிரிழப்போ, குறிப்பிடத்தக்க சேதமோ ஏற்படவில்லை. இதையடுத்து, அமெரிக்கா தனது பதிலடி நடவடிக்கையை மேற்கொண்டதாக தெரிவிக்கப்பட்டுள்ளது.
இதையும் படிங்க: பாம்பின் தலை துண்டிக்கப்பட்டது! IRGC தலைமையகம் அழிப்பு! ஈரான் பதிலடி தாக்குதல் தீவிரம்..... அமெரிக்கா வெளியிட்ட பரபரப்பு வீடியோ..!!
இரண்டு மணி நேரம் நீடித்த தாக்குதல்
அமெரிக்க மத்திய கட்டளைப் பீடம் வெளியிட்டுள்ள தகவலின்படி, ஈரானின் முக்கிய வியூக இலக்குகளை குறிவைத்து சுமார் இரண்டு மணி நேரம் தொடர்ந்து வான்வழித் தாக்குதல் நடத்தப்பட்டது. இந்த நடவடிக்கையில் பல முக்கிய ராணுவ கட்டமைப்புகள் சேதமடைந்ததாகவும் அதிகாரப்பூர்வ அறிக்கையில் கூறப்பட்டுள்ளது.
குறிவைக்கப்பட்ட முக்கிய ராணுவ தளங்கள்
இந்த தாக்குதலில் ஈரான் ராணுவ கட்டளை மற்றும் கட்டுப்பாட்டு மையங்கள், ஏவுகணை மற்றும் ட்ரோன் தயாரிப்பு மற்றும் சேமிப்பு வசதிகள், கடற்கரை கண்காணிப்பு மையங்கள் உள்ளிட்ட முக்கிய பாதுகாப்பு அமைப்புகள் குறிவைக்கப்பட்டதாக தெரிவிக்கப்பட்டுள்ளது. அமெரிக்க பணியாளர்கள் மற்றும் சொத்துகளின் பாதுகாப்பை உறுதிப்படுத்தும் நோக்கிலேயே இந்த நடவடிக்கை மேற்கொள்ளப்பட்டதாக அதிகாரிகள் விளக்கியுள்ளனர்.
இதையும் படிங்க: பழிக்கு பலி தான் தீர்வு! 2000 என நினைத்தால் 4000 கிமீ பாயுது! அமெரிக்காவை பழிவாங்க ஈரான் போடும் மாஸ்டர் பிளான்! நடுங்கும் உலக நாடுகள!!!
