Video : வேகமாக வந்த ரயில்! தண்டவாளத்தின் நடுவில் படுத்துக்கொண்ட சிறுவன்! பத்து வினாடிகள்! திக் திக் நிமிட காணொளி...

ஒடிசா மாநிலத்தின் பவுத் மாவட்டம், தாலுபலி பகுதியில் ரயில் பாதையில் இரு சிறுவர்கள் செய்த சாகசம் குறித்து பரபரப்பு ஏற்பட்டுள்ளது. கடந்த ஜூன் 29 ஆம் தேதி நடந்த இந்த சம்பவத்தின் வீடியோ தற்போது சமூக ஊடகங்களில் வெகுவாக பரவி வருகிறது.

12 வயது சிறுவன் ஒருவர், வேகமாக செல்லும் ரயில் வரும்போது, தண்டவாளத்தின் நடுவில் படுத்துக்கொண்டார். இதனை அவரது 15 வயது நண்பர் மொபைலில் பதிவுசெய்தார். மேலும், ஒரு மூன்றாவது சிறுவன் அருகே நின்று பார்வையிட்டிருந்தாலும், சாகசத்தில் ஈடுபடவில்லை என்று தெரிவிக்கப்பட்டுள்ளது.

ரயில்வே பாதுகாப்புப் படை நடவடிக்கை

இந்த வீடியோ சமூக வலைதளங்களில் பரவியதையடுத்து, ரயில்வே பாதுகாப்புப் படையினர் உடனடியாக விசாரணையை தொடங்கினர். அதிகாரிகள் சம்பந்தப்பட்ட கிராமத்துக்குச் சென்று சிறுவர்கள் மற்றும் அவர்களது பெற்றோர்களை நேரில் சந்தித்து, இந்த செயல் எவ்வளவு ஆபத்தானது என்பதை தெளிவுபடுத்தினர்.

இதையும் படிங்க: அந்தஸ்துக்காக சிங்கத்தை செல்லப்பிராணியாக வீட்டில் வளர்க்கும் பணக்காரர்கள்! பஞ்சாபில் மட்டும் 584 சிங்கம், புலி, சிறுத்தைகள்..‌.. வைரலாகும் வீடியோக்கள்!

இது உயிருக்கு ஆபத்து என அதிகாரிகள் எச்சரிக்கை

ரயில்வே இன்ஸ்பெக்டர் கூறுகையில், “சிறுவர்களுக்கு உடல் பாதிப்பு ஏதும் ஏற்படவில்லை என்றாலும், இது மிகவும் ஆபத்தான செயல்” என தெரிவித்தார். இதுபோன்ற நிகழ்வுகள் மீண்டும் நடக்காதவாறு அந்த கிராமத்தில் விரைவில் விழிப்புணர்வு முகாம் நடத்தப்படும் என்றும் அதிகாரிகள் கூறினர்.

இந்தச் சம்பவத்தில் ஈடுபட்ட இருவரும் சிறுவர் நீதிமன்றத்தில் ஆஜராக உள்ளதாகவும், இந்த சம்பவம் மக்கள் இடையே பாதுகாப்பு உணர்வை தூண்டும் வகையில் பயன்படுத்தப்படவேண்டும் என்றும் கூறப்பட்டது.

இந்த சாகசம், பவுத்–பூர்ணகடகா இடையிலான புதிய ரயில் சேவை தொடங்கப்பட்ட ஒரு வாரத்துக்குள் நிகழ்ந்தது குறிப்பிடத்தக்கது. இதனையடுத்து, ரயில் பாதை பாதுகாப்பு மீண்டும் விவாதிக்கப்படத் தொடங்கியுள்ளது.

ரயில்வே எச்சரிக்கை

கிழக்கு கடற்கரை ரயில்வே வெளியிட்டுள்ள அறிவிப்பில், “ரயில் பாதை விளையாட்டு மைதானம் அல்ல. ஒரு சிறிய தவறும் உயிரிழப்புக்கு வழிவகுக்கும்” என எச்சரிக்கப்பட்டுள்ளது. கிராமப்புற மாணவர்கள் மற்றும் பொதுமக்களுக்கு ரயில்வே விதிகள் மற்றும் பாதுகாப்பு நடைமுறைகள் குறித்து விழிப்புணர்வு அதிகரிக்க வேண்டிய அவசியம் தற்போது தீவிரமடைந்துள்ளது.

இதையும் படிங்க: Video : அண்ணன் - தங்கைக்கு திருமணம் செய்து வைத்த பெற்றோர்! எப்படிப்பட்ட சடங்குகள்! என்ன காரணம்னு பாருங்க! வைரலாகும் வீடியோ....