டிரைவர் இல்லாத கார் செய்த கொலை... கட்டுப்பாட்டை இழந்ததால் நொடியில் முடிந்த உயிர்!!!

அமெரிக்காவின் டெக்சாஸ் மாநிலத்தில் டெஸ்லா கார் தொடர்பான விபத்து ஒன்று பெரும் பரபரப்பை ஏற்படுத்தியுள்ளது. கேட்டி பகுதியில் நடந்த இந்த சம்பவத்தில், வீட்டிற்குள் புகுந்த கார் மோதியதில் 76 வயது மூதாட்டி உயிரிழந்தார். விபத்தின்போது காரின் ஆட்டோ பைலட் வசதி செயல்பாட்டில் இருந்ததாக தகவல் வெளியாகியுள்ளது.

சந்திப்பில் திரும்பாமல் நேராக சென்ற கார்

44 வயதான மைக்கேல் பட்லர் தனது டெஸ்லா மாடல் 3 காரில் பயணம் செய்துகொண்டிருந்தார். அப்போது ஒரு சந்திப்பில் திரும்ப வேண்டிய இடத்தில் கார் திரும்பாமல் அதிவேகமாக முன்னேறியது. தகவலின்படி, சாலையோரத்தில் இருந்த வீட்டின் செங்கல் சுவரை உடைத்துக்கொண்டு கார் நேராக வீட்டிற்குள் புகுந்துள்ளது.

இதையும் படிங்க: பெத்த மனசு பதறுதே! நொடியில் 4 வயது சிறுவனுக்கு நேர்ந்த கொடூரம்! மருத்துவர்கள் சொன்ன அதிர்ச்சி தகவல்! என் குழந்தை நிலைமை.... கதறி அழும் துடிக்கும் தாய்!

அந்த நேரத்தில் வீட்டின் வரவேற்பு அறையில் நின்றுகொண்டிருந்த மார்த்தா ஆவிலா என்ற 76 வயது மூதாட்டி மீது கார் பலமாக மோதியது. இதனால் அவர் கடுமையாக காயமடைந்தார்.

ஏர் ஆம்புலன்ஸ் மூலம் மருத்துவமனைக்கு

விபத்துக்குப் பிறகு உடனடியாக மீட்புப் பணிகள் மேற்கொள்ளப்பட்டன. அதன்பின் மார்த்தா ஆவிலா ஏர் ஆம்புலன்ஸ் மூலம் மருத்துவமனைக்கு கொண்டு செல்லப்பட்டார். ஆனால், தீவிர சிகிச்சை அளிக்கப்பட்டும் அவர் உயிரிழந்ததாக அதிகாரிகள் தெரிவித்தனர்.

தொழில்நுட்ப கோளாறா? தீவிர விசாரணை

விபத்து நடந்தபோது காரின் டெஸ்லா ஆட்டோ பைலட் வசதி இயக்கத்தில் இருந்ததாக ஓட்டுநர் போலீஸாரிடம் வாக்குமூலம் அளித்துள்ளார். மேலும், அவர் மது அருந்திய நிலையில் இல்லை என்றும், விசாரணைக்கு முழு ஒத்துழைப்பு வழங்கி வருவதாக ஹாரிஸ் கவுண்டி போலீஸார் தெரிவித்துள்ளனர்.

இதையடுத்து, இந்த விபத்துக்கு தொழில்நுட்ப கோளாறு காரணமா அல்லது வேறு ஏதேனும் காரணங்கள் உள்ளனவா என்பதை கண்டறிய போலீஸார் மற்றும் டெஸ்லா நிறுவன நிபுணர்கள் இணைந்து விசாரணை நடத்தி வருகின்றனர். இதற்கிடையில், தானியங்கி ஓட்டுநர் உதவி தொழில்நுட்பங்களின் பாதுகாப்பு குறித்து சமூக வலைதளங்களில் தீவிர விவாதம் எழுந்துள்ளது.

இதையும் படிங்க: திருச்சி சமயபுரம் கோவிலுக்குச் சென்று தரிசனம் முடித்து வீடு திரும்பிய குடும்பத்திற்கு நேர்ந்த துயரம்.... நொடிப்பொழுதில் பறிபோன 5 உயிர்கள்.! மதுரையில் நடந்த அதிர்ச்சி...!!!