ரியல் ஹீரோ! சொந்த ஊருக்காக தனி ஆளாக இருந்து என்ன செய்துள்ளார் பாருங்க! 27 ஆண்டுகள் உழைப்புக்கு பின் கிடைத்த வெற்றி!

சத்தீஸ்கர் மாநிலத்தில் உள்ள சஜா பஹாத் கிராமத்தைச் சேர்ந்த ஷியாம்லால் 15 வயதில் இருந்தே தண்ணீர் பற்றாக்குறையை எதிர்கொண்டார். அவரது ஊரில் கிணறுகள், குளங்கள் போன்ற நீர் வளங்கள் எதுவும் இல்லாததால், மக்கள் மற்றும் கால்நடைகள் மிகவும் பாதிக்கப்பட்டனர்.

தனிஆளாக ஆரம்பித்த முயற்சி

தண்ணீர் பிரச்சனையை தீர்க்க, ஷியாம்லால் காட்டுக்குள் ஒரு இடத்தைத் தேர்ந்தெடுத்து குளம் தோண்ட தீர்மானித்தார். இளம் வயதிலேயே தொடங்கிய இந்த முயற்சி, ஆரம்பத்தில் கிராம மக்களின் நகைச்சுவைக்கும் விமர்சனங்களுக்கும் இடையே நடந்தது. ஆனாலும், அவர் தன் முடிவில் உறுதியாக இருந்தார்.

27 ஆண்டுகள் உற்சாகமான உழைப்பு

பல ஆண்டுகளாக அயராது உழைத்த ஷியாம்லால், 27 ஆண்டுகளுக்குப் பிறகு கிட்டத்தட்ட ஒரு ஏக்கர் பரப்பளவிலும், 15 அடி ஆழத்திலும் ஒரு பெரிய குளத்தை உருவாக்கினார். இன்று இந்த குளம் கிராம மக்களின் வாழ்வாதாரமாக விளங்குகிறது.

இதையும் படிங்க: ஜூலை மாதம் இந்த தேதியில் பெரிய பேரழிவு ஏற்படுபோகுதாம்! இன்றுவரை 100% துல்லியமாக நடந்துள்ள ரியோ டாட்சுகி கணிப்புகள்!

ஒரு மனிதரின் அற்புத சாதனை

இன்று 42 வயதாகியுள்ள ஷியாம்லால், “இந்தப் பணியில் நிர்வாகம் அல்லது கிராம மக்கள் யாரும் உதவவில்லை. என் கிராம மக்களுக்காகவும், கால்நடைகளுக்காகவும் மட்டுமே இதைச் செய்தேன்” என பெருமையுடன் கூறுகிறார்.

கிராமத்தின் நாயகனாக மாறியவர்

தற்போது கிராம மக்கள் அனைவரும் ஷியாம்லாலுக்கு நன்றியுடன் தங்களது வாழ்த்துகளை தெரிவித்து, அவரை முன்மாதிரியாகவும், மீட்பவராகவும் மதிக்கின்றனர். அவரது முயற்சி, சுற்றுச்சூழல் பாதுகாப்பிலும், நீர் சேமிப்பிலும் ஒரு பெரும் உதாரணமாக உள்ளது.

இதையும் படிங்க: உலகையே மிரளவைத்த சீனாவின் கண்டுபிடிப்பு! 3600°C வரை வெப்பத்தை தாங்கும் செராமிக்!