இப்படியா நடக்கனும்! வேலைக்கு சென்ற பெற்றோர்! பீரோவில் இருந்த புத்தகம்! கட்டில் மீது ஏறி எடுத்த மாணவி! இறுதியில் நடந்த விபரீதம்! பகீர் சம்பவம்....

திண்டுக்கல் மாவட்டத்தின் சித்தரேவுவில் ஒரு வீடு முழுவதும் துயரத்தில் மூழ்கியுள்ளது. ஒரு சிறுமியின் எதிர்பாராத மரணம், அந்த கிராம மக்களின் மனதை கனமாக்கியுள்ளது.

வீட்டில் ஒருபோதும் நிகழக்கூடாத துயர சம்பவம்

சித்தரேவு கிராமத்தைச் சேர்ந்த கூலி தொழிலாளி ராமச்சந்திரன் மற்றும் அவரது மனைவி சின்னம்மாளுக்கு, சிவகிருஷ்ணன் (14) மற்றும் நந்தனா (11) என்ற இரண்டு குழந்தைகள் உள்ளனர். நந்தனா அங்குள்ள அரசு பள்ளியில் 6-ம் வகுப்பு படித்து வந்தார்.

நேற்று வழக்கம்போல் பெற்றோர் வேலைக்குச் சென்ற நிலையில், சகோதரர் சிவகிருஷ்ணனும் வெளியே சென்றிருந்தார். தனியாக வீட்டில் இருந்த நந்தனா பள்ளிக்கு கிளம்ப தயாராக இருந்தபோது, பீரோவில் இருந்த புத்தகத்தை எடுக்க கட்டிலில் ஏறினார்.

இதையும் படிங்க: ஒன்றரை வயது குழந்தை விளையாடும்போது நொடிப்பொழுதில் நடந்த அதிர்ச்சி சம்பவம்! கதறி துடிக்கும் பெற்றோர்..

கயிற்றில் தவறி விழுந்து உயிரிழப்பு

அச்சமயம் எதிர்பாராதவிதமாக கால் தவறியதால், துணி காய வைக்க கட்டியிருந்த கயிற்றில் தவறி விழுந்தார். தலை அந்த கயிற்றில் சிக்கிய நிலையில் தப்பிக்க முயன்றும் முடியாமல், பரிதாபமாக உயிரிழந்தார்.

போலீசார் விசாரணை

சம்பவத்தை கண்டு அதிர்ந்த அண்டை வீட்டுவாசிகள், போலீசாருக்கு தகவல் தெரிவித்தனர். பட்டிவீரன்பட்டி போலீசார் சம்பவ இடத்திற்கு வந்து விசாரணை நடத்தினர். மாணவியின் உடல் பிரேத பரிசோதனைக்காக அரசு மருத்துவமனைக்கு அனுப்பப்பட்டது.

சித்தரேவுவில் நிகழ்ந்த இந்த துயர சம்பவம், மக்களிடையே மிகுந்த சோகத்தையும் பதற்றத்தையும் ஏற்படுத்தியுள்ளது. குழந்தைகள் வீடுகளில் தனியாக இருக்கும்போது ஏற்படக்கூடிய அபாயங்களை நினைவூட்டும் இந்தச் சம்பவம், அனைவருக்கும் விழிப்புணர்வாக அமைந்திருக்கிறது.

இதையும் படிங்க: ஊஞ்சலில் விளையாடிய குழந்தை ! மாலை வீடு திரும்பிய மகள் பார்த்த அதிர்ச்சி! பதறவைக்கும் சம்பவம்..