68 வயது மூதாட்டியின் வயிற்றில் 18 கிலோ கட்டி! அம்மாடி என்னா வகை கட்டி தெரியுமா? சவாலாக இருந்த ஆபரேஷனை சக்ஸஸ் ஆக முடித்த மருத்துவர்!

பீஹார் மாநிலத்தைச் சேர்ந்த 68 வயதான மூதாட்டி ஒருவருக்கு, நீண்ட நாட்களாக வயிற்றுப் பகுதியில் கடுமையான வீக்கம் மற்றும் வலி ஏற்பட்டது. பீஹாரில் நடந்த ஆரம்ப சோதனையில், அவருக்கு மிகப்பெரிய கருப்பைக் கட்டி (ovarian tumor) இருப்பது கண்டறியப்பட்டது. ஆனால், அது புற்றுநோயா இல்லையா என்பது தெளிவாக தெரியாததால், சிறப்பு சிகிச்சை தேவைப்பட்டது.

புனேயில் சிறப்பு சிகிச்சை

அந்த மூதாட்டி புனேயில் உள்ள ஜெஹாங்கீர் மருத்துவமனைக்கு கொண்டு செல்லப்பட்டார். அங்கு மூத்த மகப்பேறு நிபுணர் டாக்டர் நீனா மான்ஸுகானி, மற்றும் புற்றுநோய் அறுவை சிகிச்சை நிபுணர் டாக்டர் சி. பி. கொப்பிகர் ஆகியோர் தலைமையில் மருத்துவக் குழு சிகிச்சையை மேற்கொண்டது. கட்டியின் அளவு மற்றும் அமைப்பு கவலையளிக்கக் கூடியதாக இருந்ததால், முழுமையான பரிசோதனைகள் செய்யப்பட்டன.

18 கிலோ எடையுள்ள அரிய வகை கட்டி

மருத்துவர்கள் கண்டறிந்த கட்டி ஒரு அரிய வகையான Borderline ovarian mucinous cystadenoma என்பது உறுதிசெய்யப்பட்டது. கட்டியின் அளவு 44 x 37 x 30 செ.மீ. ஆகவும், சுமார் 18 கிலோ எடையுடனும் மற்றும் 16 லிட்டர் திரவத்துடனும் காணப்பட்டது. நோயாளியின் ஒப்புதலுடன், கருப்பையுடன் தொடர்புடைய உடற்கூறுகளையும் அகற்றும் ஹிஸ்டிரெக்டமி சிகிச்சை செய்யப்பட்டது.

இதையும் படிங்க: நீ தாயா இல்ல பேயா! டயப்பரில் மலம் கழித்த 8 மாத குழந்தை! அதற்காக கோபமடைந்து தாய் செய்த கொடூர செயலை பாருங்க! நெஞ்சை உலுக்கும் பகீர் சம்பவம்...

வெற்றிகரமாக முடிந்த அறுவை சிகிச்சை

சிகிச்சையின் பின் நோயாளியின் உடல் எடை 116 கிலோவிலிருந்து 96 கிலோவாக குறைந்தது. 10 நாட்களில் உடல்நிலை மேம்பட்டு மருத்துவமனையிலிருந்து டிஸ்சார்ஜ் செய்யப்பட்டார்.

மருத்துவக் குழுவின் சிறந்த ஒருங்கிணைப்பு

இந்த சிகிச்சை மிகுந்த நுட்பம் மற்றும் மருத்துவ திறமை வேண்டியதாக இருந்தது என டாக்டர் மான்ஸுகானி தெரிவித்தார். "வயதும், நோயின் தன்மையும் கருத்தில் கொண்டபோது, அறுவை சிகிச்சை மிகுந்த சவாலாக இருந்தது," என டாக்டர் கொப்பிகரும் கூறினார். சிறந்த குழு ஒருங்கிணைப்பின் உதவியால், மூதாட்டி தற்போது நலமுடன் உள்ளார்.

இதையும் படிங்க: குறைந்த கல்வியறிவு விகிதங்களைக் கொண்ட முதல் 10 நாடுகள்! எந்தெந்த நாடுகள் தெரியுமா?