பிறந்து வெறும் 5 நாள் பச்சிளம் குழந்தை! தண்ணீர் ட்ரம்முக்குள் மூழ்கடித்து துடிக்க துடிக்க கொன்ற 21 வயது தாய்.... காரணத்தைக் கேட்டா ஆடிப்போய்ருவீங்க.! பகீர் சம்பவம்....!!!
மத்தியப் பிரதேசத்தில் பிறந்து ஐந்து நாட்களே ஆன பெண் குழந்தை உயிரிழந்த வழக்கில், பிரேதப் பரிசோதனை மற்றும் விசாரணைக்குப் பிறகு குழந்தையின் தாயை போலீசார் கைது செய்து நீதிமன்றத்தில் ஆஜர்படுத்தினர்.
by
மத்தியப் பிரதேச மாநிலத்தின் பேல்கி கிராமத்தில் பிறந்து ஐந்து நாட்களே ஆன பெண் குழந்தை உயிரிழந்த சம்பவம் அதிர்ச்சியை ஏற்படுத்தியுள்ளது. வீட்டில் இருந்த தண்ணீர் டிரம்மில் குழந்தையின் சடலம் கண்டெடுக்கப்பட்ட நிலையில், போலீசார் நடத்திய விசாரணையில் முக்கிய திருப்பம் ஏற்பட்டுள்ளது.
டிரம்மில் கண்டெடுக்கப்பட்ட குழந்தையின் சடலம்
ஜூலை 30-ஆம் தேதி வீட்டில் தண்ணீர் நிரப்பப்பட்ட டிரம்மில் குழந்தையின் சடலம் இருப்பதாக தகவல் கிடைத்ததைத் தொடர்ந்து, போலீசார் சம்பவ இடத்துக்குச் சென்று உடலை மீட்டனர். முதலில் மர்ம மரணமாக பதிவு செய்யப்பட்ட வழக்கில், சம்பவ இடத்தில் சேகரிக்கப்பட்ட ஆதாரங்கள், குடும்பத்தினரிடம் பெறப்பட்ட தகவல்கள் மற்றும் பிரேதப் பரிசோதனை அறிக்கை ஆகியவற்றின் அடிப்படையில் விசாரணை தீவிரப்படுத்தப்பட்டது.
இதையும் படிங்க: வீட்டு வேலை செய்த தாய்! பாட்டியின் அந்த ஒரு ஆசையால் 20 நாள் பச்சிளம் குழந்தை பலி.... நெஞ்சை உலுக்கும் பகீர் சம்பவம்.!!!
பிரேதப் பரிசோதனையில் உறுதியான தகவல்
பிரேதப் பரிசோதனையில், தண்ணீரில் மூழ்கியதால் ஏற்பட்ட மூச்சுத்திணறலே குழந்தையின் உயிரிழப்புக்குக் காரணம் என்பது உறுதி செய்யப்பட்டதாக போலீசார் தெரிவித்தனர். இதையடுத்து, 21 வயதான குழந்தையின் தாய் சோனு பட்டேலிடம் தொடர்ந்து விசாரணை நடத்தப்பட்டது.
தாயை கைது செய்து நீதிமன்றத்தில் ஆஜர்படுத்திய போலீசார்
விசாரணையின்போது, பிரசவத்திற்குப் பிறகு மனஅழுத்தத்தில் இருந்ததாகவும், குழந்தையை வளர்ப்பது தொடர்பான கவலையால் அந்த முடிவை எடுத்ததாகவும் அவர் தெரிவித்ததாக போலீசார் கூறியுள்ளனர். வீட்டின் குளியல் பகுதியில் இருந்த தண்ணீர் டிரம்மில் குழந்தையை மூழ்கடித்ததாக முதற்கட்ட விசாரணையில் தெரியவந்துள்ளது. இதையடுத்து சோனு பட்டேலை கைது செய்த போலீசார், ஜூலை 31-ஆம் தேதி நீதிமன்றத்தில் ஆஜர்படுத்தினர். இந்த வழக்கில் தொடர்ந்து விசாரணை நடைபெற்று வருகிறது.
