இந்தியாவின் கெத்து இதுதான்... ஈரான் ஏவுகணைகளில் எழுதப்பட்ட அந்த 4 வார்த்தைகள்! உலக நாடுகளே மிரண்டு போகும் பிரதமர் மோடியின் ராஜதந்திரம்!!!
ஈரான்-இஸ்ரேல்-அமெரிக்கா பதற்றத்தில், ஏவுகணைகளில் 'இந்திய மக்களுக்கு நன்றி' என எழுதப்பட்டிருப்பது சர்வதேச கவனத்தை ஈர்த்துள்ளது.
- Mar 28, 2026 10:11:35 AM
by
Web Team
- #உலகம் #டெக்னாலஜி #சமூகம்
மத்திய கிழக்கு பகுதியில் அதிகரித்து வரும் போர் பதற்றம் உலக நாடுகளின் கவனத்தை ஈர்த்துள்ள நிலையில், அதில் இந்தியாவின் நிலைப்பாடு தனித்துவமாக பேசப்படுகிறது. குறிப்பாக, ஈரான் தனது ஏவுகணைகளில் இந்திய மக்களுக்கு நன்றி என்ற வாசகத்தை எழுதி தாக்குதல் நடத்துவது ஒரு புதிய விவாதத்தை ஏற்படுத்தியுள்ளது.
ஏவுகணைகளில் நன்றியறிவிப்பு
ஈரான் ‘ஆபரேஷன் ட்ரூ பிராமிஸ்’ என்ற பெயரில் மேற்கொண்டு வரும் தாக்குதல்களில், அமெரிக்க ராணுவ தளங்கள் மற்றும் எண்ணெய் சேமிப்பு கிடங்குகள் குறிவைக்கப்பட்டுள்ளன. இந்த நடவடிக்கையின் ஒரு பகுதியாக, ஏவப்பட்ட ஏவுகணைகளில் நீல நிறத்தில் இந்திய மக்களுக்கு நன்றி தெரிவிக்கும் வாசகங்கள் எழுதப்பட்டுள்ளன. இந்த காட்சிகள் சமூக வலைதளங்களில் வைரலாக பரவி வருகிறது.
இந்தியாவின் நடுநிலை அணுகுமுறை
இந்தியாவுக்கும் ஈரானுக்கும் இடையே நீண்டகால நட்புறவு நிலவுகிறது. தற்போதைய போர்நிலையிலும், இந்தியா எந்த ஒரு தரப்பையும் ஆதரிக்காமல் அமைதிப் பேச்சுவார்த்தையை வலியுறுத்தி வருகிறது. பிரதமர் நரேந்திர மோடி, ஈரான் அதிபர் மசூத் பெசெஷ்கியானுடன் ஆலோசனை நடத்தி, மனிதாபிமான சிக்கல்கள் குறித்து கவலை தெரிவித்துள்ளார்.
இதையும் படிங்க: நேரடியாக களத்தில் இறங்கிய இந்தியா..! ஈரான் அதிபருக்கு அர்ஜென்ட் கால்.... பிரதமர் மோடியின் ராஜதந்திரம் இதுதான்!!!
மனிதாபிமான உதவிகள்
இந்திய மக்கள் மற்றும் மத்திய அரசு இணைந்து ஈரானுக்கு பல்வேறு உதவிகளை வழங்கி வருகின்றனர். நிதியுதவி, மருந்துப் பொருட்கள் உள்ளிட்ட ஆதரவுகள் இரு நாடுகளுக்கிடையேயான உறவை மேலும் வலுப்படுத்தியுள்ளது. இந்த உதவிகளை ஈரான் அதிகாரப்பூர்வமாக பாராட்டியுள்ளது.
ஹார்முஸ் வழித்தடத்தில் சலுகை
இந்தியாவுக்கான நன்றியை வெளிப்படுத்தும் விதமாக, ஹார்முஸ் ஜலசந்தி வழியாகச் செல்லும் இந்திய கச்சா எண்ணெய் மற்றும் எரிவாயுக் கப்பல்களுக்கு ஈரான் முன்னுரிமை அளித்துள்ளது. உலக வர்த்தகத்தில் முக்கியமான இந்தப் பாதையில் இந்தியக் கப்பல்களுக்கு வழங்கப்பட்ட இந்த சலுகை, இருநாடுகளின் உறவை மேலும் வலுப்படுத்துகிறது.
இந்த சம்பவம் வெறும் அரசியல் அல்லது ராணுவ நடவடிக்கையாக மட்டும் இல்லாமல், கடினமான காலத்திலும் மனிதாபிமான அடிப்படையில் உருவாகும் நாடுகளுக்கிடையேயான உறவின் வலிமையை வெளிப்படுத்துகிறது. இந்நிலையில், ஈரான்-இந்தியா உறவு சர்வதேச அரசியலில் முக்கியமான இடத்தைப் பெறுகிறது.
இதையும் படிங்க: பெரும் அதிர்ச்சி... எச்சரிக்கை விடுத்த ஈரான்! அடுத்த சிலமணி நேரங்களில் அமெரிக்காவில் வெடித்த ஆலை... பதற்றத்தில் உடனடியாக ஊரடங்கு அறிவிப்பு !!!
