என்ன ஒரு சந்தோஷம் ! அப்பா உங்களுக்கு ஒரு சர்ப்ரைஸ் கொண்டு வந்துருக்கேன்! ஸ்கூல் பேக்கில் உயிரோடு பாம்பை எடுத்து வந்த சிறுமி.... அதிர்ச்சியில் உறைந்த தந்தையின் திகில் வீடியோ!!!

இந்தோனேசியாவில் பள்ளிக்கு சென்ற சிறுமி ஒருவர் தனது பையில் பாம்பை கொண்டு வந்த காட்சி இணையத்தில் வேகமாக பரவி வருகிறது. வீடியோவில், அவர் மிகவும் சாதாரணமாக பாம்பை வெளியே எடுக்கும் தருணம் கவனத்தை ஈர்த்துள்ளது. இதனால் சமூக வலைதளங்களில் பாதுகாப்பு குறித்து விவாதம் தீவிரமடைந்துள்ளது.

பையில் இருந்து பாம்பு… தைரியமாக கையாள்ந்த சிறுமி

வைரலாகும் காட்சியில், அந்தச் சிறுமி தனது பள்ளிப் பையை திறந்து பெரிய பாம்பு ஒன்றை எளிதாக வெளியே எடுக்கிறார். அருகில் இருந்த அவரது தந்தை அதிர்ச்சியடைந்து விலகிச் செல்லும்படி கூறுகிறார். ஆனால், சிறுமி எந்த அச்சமும் காட்டாமல் அந்தப் பாம்பை கையில் பிடித்து, பொம்மையைப் போல கையாளுகிறார். இதையடுத்து, அதை மற்ற குழந்தைகளுக்கும் காட்டியுள்ளார்.

இதையும் படிங்க: ஜிம்மில் தீயாய் ஒர்க் அவுட் செய்யும் அட்டக்கத்தி நாயகி.! இணையத்தை கலக்கும் புகைப்படங்கள்!!

சமூக வலைதளங்களில் கடும் விமர்சனம்

இந்த வீடியோ வெளியாகியதும், பலரும் அந்தச் சிறுமியின் துணிச்சலைக் கண்டு ஆச்சரியப்பட்டனர். அதே நேரத்தில், ஆபத்தான உயிரினத்துடன் குழந்தையை விளையாட அனுமதித்த பெற்றோரின் செயலுக்கு கடும் எதிர்ப்பு எழுந்துள்ளது. ஒரு நொடியில் ஆபத்து ஏற்படலாம் என்பதால் இது கவலைக்குரியது என பலரும் கருத்து தெரிவித்துள்ளனர். இதனால் இந்த வைரல் வீடியோ சமூக வலைதளங்களில் பரபரப்பை ஏற்படுத்தியுள்ளது.

பாதுகாப்பு குறித்து எச்சரிக்கை

தகவலின்படி, அந்த நாட்டில் சில வகை பாம்புகளை செல்லப் பிராணிகளாக வளர்க்கும் பழக்கம் இருந்தாலும், பள்ளிக்கூடத்திற்கு கொண்டு வருவது பாதுகாப்பு கோணத்தில் கேள்விகளை எழுப்பியுள்ளது. குழந்தைகள் தொடர்பான விஷயங்களில் பெற்றோர் கூடுதல் கவனம் செலுத்த வேண்டும் என்ற கருத்தும் வலுப்பெற்று வருகிறது.

இதையும் படிங்க: அந்தமானில் கச்சேரி.. இன்ப சுற்றுலா சென்ற அய்யனார் துணை நடிகர்கள்.. வைரலாகும் வீடியோ.!