5 நிமிட வீடியோ காலால் முடிந்த வாழ்க்கை.... ₹36 லட்சத்தை வாரி இறைத்த வாலிபருக்கு 9-வது நாளில் காத்திருந்த அதிர்ச்சி! பகீர் பின்னணி..!!!
சீனாவில் ஆன்லைனில் அறிமுகமான பெண்ணை 5 நிமிட வீடியோ அழைப்புக்குப் பிறகு திருமணம் செய்த இளைஞர், 9 நாட்களில் விவாகரத்து கோரி நீதிமன்றத்தை நாடிய சம்பவம் கவனம் ஈர்த்துள்ளது.
by
சீனாவின் ஜெஜியாங் மாகாணத்தில் ஆன்லைன் மூலம் தொடங்கிய ஒரு திருமணம், வெறும் ஒன்பது நாட்களில் நீதிமன்றத்தை அடைந்துள்ளது. சமூக வலைத்தளங்களில் பரவலாக பேசப்பட்டு வரும் இந்த வழக்கில், திருமணத்திற்காக பல லட்சம் ரூபாய் செலவிட்ட இளைஞர் தற்போது பணத்தை திரும்பக் கோரி சட்டப் போராட்டத்தில் ஈடுபட்டுள்ளார்.
5 நிமிட வீடியோ அழைப்பில் தொடங்கிய உறவு
தகவலின்படி, ஜெஜியாங் மாகாணத்தைச் சேர்ந்த ஒரு இளைஞருக்கு இணையம் வழியாக பெண் ஒருவர் அறிமுகமானார். இருவரும் வெறும் ஐந்து நிமிடங்கள் மட்டுமே வீடியோ அழைப்பில் பேசியதாக கூறப்படுகிறது. அதன்பின், அந்த இளைஞர் திருமணத்திற்கு உடனடியாக சம்மதம் தெரிவித்ததாக தகவல் வெளியாகியுள்ளது.
சம்மதம் தெரிவித்த மூன்று நாட்களுக்குள் திருமண ஏற்பாடுகள் செய்யப்பட்டன. ஆன்லைன் திருமணம் மூலம் உருவான இந்த உறவுக்காக, வரதட்சணை மற்றும் திருமணச் செலவுகள் உள்ளிட்டவற்றில் சுமார் 36 லட்சம் ரூபாய் செலவிடப்பட்டதாக கூறப்படுகிறது.
ஒன்பதாவது நாளில் வெளிச்சத்துக்கு வந்த தகவல்கள்
திருமண வாழ்க்கை தொடங்கிய சில நாட்களிலேயே மனைவி தொடர்பான சில முக்கிய தகவல்கள் மற்றும் மறைக்கப்பட்ட விவரங்கள் கணவனுக்கு தெரியவந்ததாக கூறப்படுகிறது. இதனால் அவர் அதிருப்தியடைந்ததுடன், தன்னை ஏமாற்றியுள்ளதாகவும் கருதியுள்ளார்.
இதையடுத்து, திருமணமான ஒன்பதாவது நாளிலேயே உறவை முடிக்க முடிவு செய்து விவாகரத்து கோரி நீதிமன்றத்தை அணுகியுள்ளார்.
36 லட்சம் ரூபாயை திரும்பக் கோரி வழக்கு
விவாகரத்துடன் மட்டுமல்லாமல், திருமணத்திற்காக செலவழித்த சுமார் 36 லட்சம் ரூபாயையும், வழங்கப்பட்ட வரதட்சணையையும் திருப்பித் தர வேண்டும் எனக் கோரி அந்த இளைஞர் நீதிமன்றத்தில் மனுத் தாக்கல் செய்துள்ளார்.
வழக்கின் விசாரணை நடைபெற்று வரும் நிலையில், குறுகிய காலத்தில் திருமணம் செய்து பின்னர் நீதிமன்றத்தை அடைந்த இந்த விவகாரம் சீன சமூக வலைத்தளங்களிலும் இணையப் பயனர்களிடையிலும் பரவலாக விவாதிக்கப்பட்டு வருகிறது.
இதையும் படிங்க: 5 நிமிட வீடியோ காலால் நடந்த அவசர திருமணம்! அதற்கு 37 லட்சம் செலவு.....ஆனால் திருமணமான 9 நாளில் நடந்த பெரிய ட்விஸ்ட்! பகீர் பின்னணி..!!!
