13 வயது சிறுமிக்கு 7 மாத குழந்தை!! குழந்தை பிறந்த சில மாதங்களில் காத்திருந்த அதிர்ச்சி!!

பங்களாதேஷில் 13 வயது சிறுமி தனது 7 மாத குழந்தையின் பாதுகாப்பு உரிமையை மீட்டெடுக்க நீதிமன்றத்தில் நடத்திய சட்டப்போராட்டம் கவனம் பெற்றுள்ளது. சிறுவயதிலேயே திருமணம், தாய்மை, பின்னர் குழந்தையைப் பிரியும் நிலை என தொடர்ச்சியான சோதனைகளை எதிர்கொண்ட அவர், இறுதியில் நீதிமன்ற உத்தரவின் மூலம் தனது குழந்தையை மீண்டும் பெற்றுள்ளார்.

11 வயதில் அறிமுகம், பின்னர் திருமணம்

பங்களாதேஷைச் சேர்ந்த ஜூய், 11 வயதில் சமூக வலைதளமான முகநூல் மூலம் 22 வயதான ஷகிப் மியாவை அறிமுகமாகியுள்ளார். பின்னர் இருவரும் திருமணம் செய்து கொண்டதாக கூறப்படுகிறது. திருமணமான ஓராண்டுக்குள் குழந்தை பிறந்ததால், மிகவும் இளம் வயதிலேயே தாய்மையின் பொறுப்பை ஜூய் ஏற்க வேண்டிய சூழல் உருவானது.

வீட்டைவிட்டு வெளியேற்றப்பட்ட சிறுமி

குழந்தை பிறந்த சில காலத்திலேயே ஜூயை அவரது கணவரும் மாமியாரும் வீட்டை விட்டு வெளியேற்றியதாக தகவல் வெளியாகியுள்ளது. மேலும், 7 மாத பச்சிளம் குழந்தையையும் அவரிடமிருந்து பிரித்து தங்களது பாதுகாப்பில் வைத்துக்கொண்டதாக கூறப்படுகிறது. இதனால் தனது குழந்தையை மீண்டும் பெற ஜூய் நீதிமன்றம் மூலம் சட்ட ரீதியான நடவடிக்கைகளை தொடங்கினார்.

இதையும் படிங்க: யாருயா நீ.? செல்ஃபி எடுத்துக்கொண்டே கடலிலேயே நீந்தி நாட்டை விட்டு ஓடிய இளைஞர்..! வைரலாகும் வீடியோ...!!!

சட்டப்போராட்டத்தில் கிடைத்த வெற்றி

தொடர்ச்சியான விசாரணைகளுக்குப் பிறகு, ஜூயின் கோரிக்கையை பரிசீலித்த நீதிமன்றம் குழந்தையை அவரிடம் ஒப்படைக்க உத்தரவிட்டது. அதன்பின் 7 மாத குழந்தை மீண்டும் தாயிடம் ஒப்படைக்கப்பட்டது. இந்த வழக்கு, சிறுவயதில் திருமணம் மற்றும் குழந்தைகளின் பாதுகாப்பு உரிமை தொடர்பான விவாதங்களை மீண்டும் முன்னிறுத்தியுள்ளது.

இதையும் படிங்க: World News: விமானம் விழுந்து நொறுங்கி சோகம்.. 13 பேர் பரிதாப பலி.!