உணவு மற்றும் தண்ணீர் இல்லாமல் பல நாட்கள் மற்றும் பல ஆண்டுகள் வரை வாழக்கூடிய விலங்குகளின் லிஸ்ட் இதோ!
தண்ணீர் உணவு இல்லாமல் உயிர்வாழும் விலங்குகள் பற்றி அறிவோம்.
by
உலகில் உள்ள அனைத்து உயிரினங்களுக்கும் தண்ணீர் முக்கியமானது. மனிதர்களிலிருந்து விலங்குகள் வரை, அனைவரும் தண்ணீர் மற்றும் உணவினை நாடுகின்றனர். ஆனால் சில விலங்குகள் பல நாட்கள் கூட தண்ணீர் மற்றும் உணவின்றியும் உயிர்வாழ முடியும். இவை சூழ்நிலைகளுக்கு தங்களை மாற்றிக்கொள்ளும் திறன் கொண்டவை. இப்போது, தண்ணீர் மற்றும் உணவின்றி வாழும் விலங்குகள் குறித்து விரிவாக பார்ப்போம்.
பாலைவனத்தின் சக்திவாய்ந்த விலங்கு ஒட்டகம்
ஒட்டகம் என்பது பாலைவன சூழ்நிலையில் வாழும் விலங்கு. இது தண்ணீர் இல்லாமல் 15 நாட்கள் வரை வாழும் ஆற்றல் கொண்டது. உணவின்றியும் பல நாள்கள் இதனைத் தாங்கும். உடலில் உள்ள கொழுப்பை மாற்றி, நீரின்றி வாழும் வல்லமை பெற்றுள்ளது.
அண்டார்டிக்காவில் தங்கும் பென்குயின்
பெண்கள் முட்டையிட்ட பிறகு, ஆண் பென்குயின் தன்னை உணவும் தண்ணீரும் இல்லாமல் 60 நாட்கள் முட்டைகளை பாதுகாக்க செலவிடுகிறது. இது மிகுந்த பொறுமையுடன் கூடிய ஆற்றல் உள்ளது.
இதையும் படிங்க: சிறைச்சாலையில் பூனையின் உடலில் இருந்த விநோத பொருள்! பரிசோதிப்பில் நடந்த அதிர்ச்சி! திடுக்கிடும் சம்பவம்..
விஷ பல்லி கிலா அசுரன்
தென்மேற்கு அமெரிக்கா மற்றும் மெக்சிகோவில் வாழும் கிலா அசுரன் என்பது ஒரு விஷ பல்லி. இது ஒரு வாரம் முதல் ஒரு மாதம் வரை உணவு இல்லாமலே வாழும். அதன் உடல் சக்தி மற்றும் ஆற்றல் சேமிப்பு திறன் காரணமாக இதற்குத் தாங்கும் சக்தி உள்ளது.
விண்வெளி உயிரினம் டார்டிகிரேட்
டார்டிகிரேட் அல்லது நீர் கரடி, தீவிர சூழ்நிலைகள் மற்றும் வெப்பநிலை மாற்றங்களை தாங்கும் வல்லமை கொண்டது. இது தண்ணீர் மற்றும் உணவின்றி பல ஆண்டுகள் உயிர்வாழும். விண்வெளி சூழ்நிலைகளிலும் இது வாழ்வது குறிப்பிடத்தக்கது.
அசுர சக்தி கொண்ட நுரையீரல் மீன்
ஆப்பிரிக்க நுரையீரல் மீன் வறண்ட காலங்களில் சேற்றில் துளையிட்டு, பாதுகாப்பான கட்டமைப்பை உருவாக்கி, தன்னை பாதுகாக்கிறது. இதன் மூலம் நான்கு ஆண்டுகள் வரை தண்ணீர் மற்றும் உணவு இல்லாமல் வாழும்.
