ரோட்டில் நடக்க முடியாமல் தவிக்கும் மக்கள்! ஒரே பனிப்படலம்..... வழுக்கி ஓடும் வண்டிகள்! வைரலாகும் வீடியோ!

நெதர்லாந்தின் ஆம்ஸ்டர்டாம் நகரில் நிலவும் கடும் குளிர், மக்களின் அன்றாட வாழ்க்கையை முற்றிலும் பாதித்துள்ளது. சாலைகள் முழுவதும் பனிப்படலமாக மாறி, நடப்பதே சவாலாக மாறியுள்ள நிலையில், இந்த அபூர்வ காட்சிகள் சமூக வலைதளங்களில் வைரலாகி கவனம் ஈர்த்து வருகின்றன.

சாலைகள் ஐஸ் ரிங்காக மாறிய காட்சி

ஆம்ஸ்டர்டாம் நகரின் முக்கிய சாலைகள் அனைத்தும் தற்போது ‘ஐஸ் ரிங்’ போல் மாறியுள்ளன. இதனை காட்டும் வீடியோவில், பாதசாரிகள் நடக்க முடியாமல் தடுமாறுவதும், மிதிவண்டி ஓட்டுபவர்கள் நிலை தடுமாறி கீழே விழுவதும், வாகனங்கள் கட்டுப்பாட்டை இழந்து சறுக்குவதும் தெளிவாக பதிவாகியுள்ளது. மக்கள் தங்களை சமநிலையில் வைத்துக்கொள்ள பென்குயின்களைப் போல மெதுவாக நடப்பதும் இறுதியில் சறுக்கி விழுவதும் பார்ப்பதற்கு நகைச்சுவையாக இருந்தாலும், அது குளிர்காலத்தின் ஆபத்தான நிலையை உணர்த்துகிறது.

இணையத்தில் வைரலான வீடியோ

இந்த வீடியோவை இதுவரை 1.2 மில்லியனுக்கும் அதிகமானோர் பார்த்துள்ளனர். “பனியில் நடக்க மனிதர்கள் எடுக்கும் முயற்சிகளை விட வேடிக்கையானது வேறொன்றும் இல்லை” என சிலர் கிண்டல் செய்துள்ளனர். அதே நேரத்தில், சிலர் சாலைகளில் உப்பு அல்லது மணலை தூவினால் பிடிப்பு கிடைக்கும் என ஆலோசனையும் வழங்கி வருகின்றனர்.

இதையும் படிங்க: அனகோண்டா பாம்பின் வாய்க்குள் சிக்கிய தலை! 15 வினாடி மரண போராட்டம்..... அதிர்ச்சி வீடியோ!

கண்ணுக்குத் தெரியாத ஆபத்து

கடல் மட்டத்திற்கு அருகில் அமைந்துள்ள ஆம்ஸ்டர்டாமில் காற்றில் ஈரப்பதம் அதிகம். இதனால் வெப்பநிலை திடீரென குறையும் போது, மழை அல்லது உருகிய பனி உடனடியாக உறைந்து, ‘பிளாக் ஐஸ்’ எனப்படும் கண்ணுக்குத் தெரியாத பனிப் படலமாக மாறுகிறது. இந்த கடும் குளிர் சூழல் வாகன ஓட்டுநர்கள் மற்றும் பாதசாரிகளுக்கு பெரிய ஆபத்தை ஏற்படுத்துகிறது.

குளிர்காலத்தில் இத்தகைய அபாயங்களை தவிர்க்க, மக்கள் பாதுகாப்பு முறைகளை பின்பற்ற வேண்டும். சாலைகளில் மெதுவாக செல்லுதல், சரியான காலணிகளை பயன்படுத்துதல் போன்ற முன்னெச்சரிக்கை நடவடிக்கைகள் அவசியம். தற்போது வைரலாகும் இந்த ஆம்ஸ்டர்டாம் பனி சாலை வீடியோ, குளிர் காலத்தின் ஆபத்தை அனைவருக்கும் நினைவூட்டும் எச்சரிக்கையாக மாறியுள்ளது.