தலைக்கேறிய மதுப்போதை! நடுரோட்டில் பெண்ணிடம் தவறாக நடந்து கொண்ட போலீஸ்! வெளியான வீடியோவால் அதிர்ச்சி!
விஜயவாடாவில் மது போதையில் இருந்த ட்ராஃபிக் காவலர் பெண்ணிடம் தவறாக நடந்து கொண்டதால் ஏற்பட்ட சண்டை சமூகத்தில் அதிர்ச்சி ஏற்படுத்தியது.
by
சட்டம் மற்றும் ஒழுங்கை காக்க வேண்டிய காவல்துறையினரே தெருவில் சண்டையிட்ட சம்பவம் விஜயவாடாவில் பரபரப்பை ஏற்படுத்தியுள்ளது. சமூக வலைதளங்களில் பரவும் இந்த காட்சிகள், பொதுமக்களிடம் காவல்துறையின் மீதான நம்பிக்கையை கேள்விக்குள்ளாக்கியுள்ளது.
மது போதையில் தவறான நடத்தை
விஜயவாடாவில் ட்ராஃபிக் காவலர் ஸ்ரீனிவாஸ் நாயக், மது போதையில் சீருடை அணிந்திருந்தபோது ஒரு பெண்ணிடம் தவறாக நடந்துகொண்டதாக குற்றச்சாட்டு எழுந்தது. இதைத் தாங்கிக்கொள்ளாத அந்த பெண் உடனடியாக எதிர்வினையாற்றி கடும் எச்சரிக்கை வழங்கினார்.
காவலர்களுக்குள் மோதல்
நிலைமையை சமாளிக்க வந்த அஜித் சிங் நகர் காவலர் கோடேஸ்வர ராவ் மற்றும் ஸ்ரீனிவாஸ் நாயக் இடையே கடுமையான வாக்குவாதம் ஏற்பட்டது. இது உடனடியாக உடல் ரீதியான சண்டையாக மாறி, இருவரும் பொதுமக்கள் முன்னிலேயே ஒருவரை ஒருவர் காலரைப் பிடித்து மோதிக் கொண்டனர்.
சமூகத்தில் அதிர்ச்சி
சட்டத்தை பாதுகாக்க வேண்டியவர்களே தெருவில் சண்டையிட்ட காட்சி சமூக வலைதளங்களில் பரவி, மக்களிடையே பெரும் அதிர்ச்சி மற்றும் ஏமாற்றத்தை ஏற்படுத்தியுள்ளது.
பணியிடை நீக்கம்
இந்த சம்பவத்தை தொடர்ந்து விஜயவாடா நகர காவல் ஆணையர் எஸ்.வி. ராஜசேகர பாபு, ஒழுக்கமின்மைக்கு எதிராக கடும் நடவடிக்கை எடுத்து, இரு காவலர்களையும் உடனடியாக பணியிடை நீக்கம் செய்ய உத்தரவிட்டார்.
இச்சம்பவம் காவல்துறையின் பொறுப்புணர்வு மீதான கேள்விகளை எழுப்பியுள்ளதால், பொதுமக்களின் நம்பிக்கையை மீட்டெடுக்க போலீசார் தங்களது ஒழுக்கத்தை கடுமையாக பேண வேண்டும் என வலியுறுத்தப்படுகிறது.
இதையும் படிங்க: அதிர்ச்சி வீடியோ! முகத்தை மறைத்து 3 மாணவிகள் கூறிய மனதை உலுக்கும் பகீர் சம்பவம்! தீவிர விசாரணை! பொள்ளாச்சியில் பரபரப்பு...
