பசி வந்தால் பத்தும் பறந்து போகும்ன்னு சும்மாவா சொன்னாங்க... சமையலறை ஜன்னல் வழியே சாதுரியமாக உடம்பை நுழைத்த கில்லாடி நாய்! வைரலாகும் அந்த பரபரப்பு காட்சி..!!!

சமூக வலைத்தளங்களில் தற்போது ஒரு நாயின் குறும்புத்தனமான செயல் இணையவாசிகளின் கவனத்தை ஈர்த்துள்ளது. 'ரிமி' என்ற நாய், சமையலறையின் சிறிய ஜன்னல் வழியாக உள்ளே நுழைந்து உணவை சாப்பிடும் வீடியோ வேகமாகப் பரவி வருகிறது. இந்த காட்சி 27 மில்லியனுக்கும் அதிகமான பார்வைகளை பெற்று வைரலாகியுள்ளது.

முக்தா கத்ரி பகிர்ந்துள்ள இந்த வைரல் வீடியோவில், ரிமி என்ற நாய் உணவை அடைய மிகவும் சாமர்த்தியமாக சமையலறைக்குள் நுழைகிறது. மிகக் குறுகிய ஜன்னல் வழியாக உடலை நுழைத்து, யாருக்கும் தெரியாமல் உணவை சாப்பிடும் அதன் செயல் பலரையும் ஆச்சரியப்பட வைத்துள்ளது.

27 மில்லியன் பார்வைகளை கடந்த வீடியோ

வெளியான சில நாட்களிலேயே இந்த காட்சி கோடிக்கணக்கான மக்களிடம் சென்றடைந்துள்ளது. ரிமியின் புத்திசாலித்தனமான செயலும், அதன்பின் அது காட்டும் குறும்பான முகபாவனைகளும் பார்வையாளர்களை கவர்ந்துள்ளன. பலரும் இந்த வீடியோவை மீண்டும் மீண்டும் பார்த்து ரசித்து வருகின்றனர்.

இதையும் படிங்க: பார்க்கும் போதே பதறுதே... காதுக்குள் குச்சியை விட்டு மூக்கு வழியாக எடுத்த சிறுவன்! வைரலாகும் வீடியோ!

காப்பகத்தில் வளர்ந்த ரிமியின் பின்னணி

தகவலின்படி, ஒன்றரை ஆண்டுகளுக்கு முன்பு ரிமி மற்றும் அதன் இரண்டு சகோதரி நாய்க்குட்டிகள் கைவிடப்பட்ட நிலையில் கண்டெடுக்கப்பட்டன. பின்னர் முக்தா கத்ரி நடத்தும் விலங்குகள் காப்பகம் மூலம் அவை மீட்கப்பட்டு பராமரிக்கப்பட்டன. தற்போது ரிமி அந்த காப்பகத்தின் செல்லப் பிராணிகளில் ஒன்றாக உள்ளது.

நெட்டிசன்களின் நகைச்சுவை கருத்துகள்

ரிமியின் சமையலறை சாகசத்தை பார்த்த இணையவாசிகள் பலரும் சுவாரஸ்யமான கருத்துகளை பதிவிட்டு வருகின்றனர். சிலர் அதை ஹாலிவுட் திரைப்பட கதாபாத்திரங்களான டாம் க்ரூஸ் மற்றும் ஜேம்ஸ் பாண்டுடன் ஒப்பிட்டு நகைச்சுவையாக கருத்து தெரிவித்துள்ளனர். குறிப்பாக, உணவை சாப்பிட்ட பிறகு ரிமி காட்டும் புன்னகை போன்ற முகபாவனை பலரின் மனதையும் கவர்ந்துள்ளதாக பதிவுகள் வெளியாகி வருகின்றன.