சிங்கப்பெண்ணே.. நடு ரோட்டில் ஆட்டோ ரிக்ஷாவில் அதிரடி திருட்டு! தொங்கியப்படி சுமார் அரை கிலோமீட்டர் தூரம்! வைரலாகும் பகீர் வீடியோ...

பஞ்சாபின் லூதியானாவில் அதிர்ச்சியூட்டும் சம்பவம் ஒன்று நிகழ்ந்துள்ளது. இதில், ஒரு பெண் தனது தைரியம் மற்றும் விரைவான சிந்தனையால் ரிக்ஷாவில் நடந்த பகல் கொள்ளை முயற்சியில் இருந்து தப்பி உயிரை காப்பாற்றியுள்ளார். இந்த சம்பவம் தற்போது சமூக வலைதளங்களில் பெரும் பரபரப்பை ஏற்படுத்தியுள்ளது.

ரிக்ஷாவில் தொடங்கிய அச்சுறுத்தல்

ஜலந்தர் பைபாஸ் அருகே செவ்வாய்க்கிழமை, மீனா குமார் என்ற பெண் பிலாரிலிருந்து நவன்ஷஹர் செல்லும் பேருந்தைப் பிடிக்க ரிக்ஷாவில் ஏறினார். அப்போது அந்த ரிக்ஷாவில் டிரைவருடன் கூடவே இருவர் பயணிகள் போல இருந்தனர். ஆனால் சில நிமிடங்களில் அவர்கள் அனைவரும் கொள்ளையர்கள் என்பதைக் கண்டறிந்தார்.

அச்சம் மாற தைரியம்

பின் இருக்கையில் இருந்தவர்களில் ஒருவர் ரிக்ஷாவை நிறுத்தச் சொல்ல, மற்றவர்கள் கூர்மையான ஆயுதங்களைக் காட்டி மீனாவை மிரட்டி, கைகளை கட்ட முயன்றனர். பதற்றத்தில் இருந்தாலும், மீனா தைரியம் இழக்காமல் கத்திக்கொண்டு, ஆட்டோரிக்ஷாவின் ஓரத்தில் தொங்கியவாறே சுமார் அரை கிலோமீட்டர் தூரம் பயணம் செய்தார்.

இதையும் படிங்க: பாலத்தில் இருந்து குதித்து உயிரை விட துணிந்த பெண்! நொடியில் தலைமுடியைப் பிடித்து.... 52 வினாடி கொண்ட காட்சி! வைரலாகும் அதிர்ச்சி வீடியோ!

பொதுமக்கள் தலையீடு

அந்த காட்சியை கவனித்த பொதுமக்கள் உடனடியாக ரிக்ஷாவை வழிமறித்தனர். இதில், கொள்ளையர்களில் ஒருவர் தப்பி ஓட, மற்ற இருவர் பொதுமக்களால் பிடிக்கப்பட்டு போலீசிடம் ஒப்படைக்கப்பட்டனர். சம்பவம் குறித்த வீடியோவும் சமூக ஊடகங்களில் வைரலாகி வருகிறது.

போலீசின் நடவடிக்கை

லூதியானா காவல்துறை தெரிவித்ததாவது: “சமூக ஊடகங்களில் பரவிய வீடியோவின் அடிப்படையில் உடனடி நடவடிக்கை எடுக்கப்பட்டது. சேலம் தப்ரி காவல் நிலையம் இரு சந்தேகநபர்களை கைது செய்துள்ளது. ஒருவர் ரிக்ஷா ஓட்டுநர், மற்றொருவர் அவரது கூட்டாளி” என கூறினர்.

ஒரு பெண் தனது துணிச்சலால் உயிரைக் காத்துக்கொண்ட இந்த சம்பவம், குற்றவாளிகளை தடுக்க மக்களின் ஒற்றுமையும் பொதுமக்கள் தலையீடு முக்கியம் என்பதை மீண்டும் நினைவூட்டுகிறது.

இதையும் படிங்க: பார்க்கும்போதே பதறுதே! சிங்கத்தின் கூண்டில் சிக்கிய வாலிபர்! ஒரு சிங்கம் கையை பிடிக்க இன்னொரு சிங்கம் காலை பிடித்து..... பகீர் வீடியோ!