இதுக்கா இவ்வளவு கூட்டம்! கிலோ ரூ.10 தான்...என்னன்னு நீங்களே பாருங்க! வைரலாகும் வீடியோ!

சமூக வலைதளங்களில் அடிக்கடி வியப்பூட்டும் உணவு தொடர்பான வீடியோக்கள் வைரலாகும் நிலையில், தற்போது வெளிவந்த ஒரு புதுமையான காட்சி நெட்டிசன்களின் கவனத்தை அதிகமாக ஈர்த்துள்ளது. பொதுவாக குப்பைக்குச் செல்லும் வெள்ளரிக்காய் தோல் கூட விற்பனைக்கு வருவது பலருக்கும் புதுசாகியுள்ளது.

கொல்கத்தா சாலையோரத்தில் விற்பனைக்கு வந்த தோல்

கொல்கத்தாவில் உள்ள ஒரு சாலையோர கடையில், ஒரு கடைக்காரர் வெறும் வெள்ளரிக்காய் தோலை கிலோ ₹10க்கு விற்பனை செய்வது கேமராவில் பதிவாகியுள்ளது. வியப்பாக, பலரும் அந்தக் கடையில் வந்து தோலை வாங்கிச் செல்வதும் வீடியோவில் காணப்படுகிறது.

இதையும் படிங்க: தனியா மாட்டிக்கிச்சே! பெண் சிங்கத்தை கூட்டமாக சேர்ந்து சுற்றிய கழுதைப்புலிகள்! இறுதியில் நடந்த ட்விஸ்ட்டை பாருங்க! திகில் வீடியோ...

அங்கு வந்த ஒரு நபர், “அங்கிள், வெள்ளரிக்காய் தோல் கிலோ எவ்வளவு?” என்று கேட்டபோது, கடைக்காரர், “கிலோ ₹10” என்று பதிலளிக்கிறார். தொடர்ந்து, “யார்தான் இதைச் சாப்பிடுவது?” என்ற கேள்விக்கு, “மக்கள் சாப்பிடுகிறார்கள்” என்று அவர் வேடிக்கையாகச் சொல்வதும் காட்சிக்கு நகைச்சுவையைக் கூட்டியுள்ளது.

வீடியோவைப் பகிர்ந்த நெட்டிசனின் பதிவு

இந்த 24 விநாடி வீடியோவை X (Twitter) பயனர் ‘@seraj_liv3’ தனது பக்கத்தில், “கொல்கத்தா மக்கள் உண்மையிலேயே வெள்ளரிக்காய் தோலைச் சாப்பிடுகிறார்களா? கொல்கத்தா நண்பர்கள் உறுதிப்படுத்துங்கள்” என்ற தலைப்பில் பகிர்ந்துள்ளார். இந்த வீடியோ 43 ஆயிரத்திற்கும் அதிகமான பார்வைகளையும் நூற்றுக்கணக்கான கருத்துகளையும் பெற்றுள்ளது.

நெட்டிசன்களின் கலவையான எதிர்வினைகள்

ஒரு பயனர், “நானும் கொல்கத்தாவைச் சேர்ந்தவன்தான். ஆனால் இதுவரை வெள்ளரிக்காய் தோலை விற்றதைப் பார்த்ததில்லை. இது ரீல் செய்வதற்கான வேலைதான்” என்று குறிப்பிட்டார். இன்னொருவர், “உண்மையா இருந்தாலும், ஜோக்கா இருந்தாலும், ₹10க்கு கிடைத்தால் இது கூட ஒரு டிரெண்ட் ஆகிவிடும்” என்று கமென்ட் செய்தார்.

மேலும் ஒருவர், “மக்கள் வெள்ளரிக்காய் தோலை வாங்கி என்ன செய்வார்கள்? இதை உரிப்பதின் நோக்கமே என்ன?” என்று கேள்வி எழுப்பியுள்ளார்.

உணவுப் பழக்கங்களில் வரும் புதுமை சமூக வலைதளங்களில் எவ்வளவு வேகமாக பேசுபொருளாக மாறுகிறது என்பதற்குச் சிறந்த உதாரணமாக இந்தக் காட்சி உள்ளமை குறிப்பிடத்தக்கது.

இதையும் படிங்க: எவ்வளவு பெரிய பாம்பு! பிரேசிலில் நடுரோட்டில் சாலையை கடந்த பாம்பு! அதிர்ச்சி வீடியோ!