இது என்னப்பா... ராஜநாகத்துக்கு போதை ஏறிடுச்சா? இப்படி தள்ளாடுது...... இணையத்தில் வைரலாகும் வீடியோ..!!!

உலகின் ஆபத்தான விஷப்பாம்புகளில் ஒன்றான ராஜநாகம், வழக்கத்துக்கு மாறாக உடலை ஆட்டி வினோதமாக எதிர்வினையாற்றும் வீடியோ சமூக வலைதளங்களில் வேகமாக பரவி வருகிறது. போதையில் இருப்பது போல அந்தப் பாம்பு தலையையும் உடலையும் அசைக்கும் காட்சிகள் பலரையும் ஆச்சரியத்தில் ஆழ்த்தியுள்ளன. இதைப் பார்த்த நெட்டிசன்கள், தங்களது கற்பனைக்கு ஏற்ப பல்வேறு கருத்துகளை பதிவிட்டு வருகின்றனர்.

போதையில் இருப்பது போல ஆடிய ராஜநாகம்

வைரலாகி வரும் வீடியோவில், கம்பீரமாகவும் அச்சுறுத்தும் வகையிலும் காணப்படும் ராஜநாகம் வழக்கத்துக்கு மாறாக நிலைதடுமாறுவது போன்ற அசைவுகளை வெளிப்படுத்துகிறது. குறிப்பாக, அதன் தலையை வெவ்வேறு கோணங்களில் அசைத்து, உடலையும் தொடர்ந்து ஆட்டும் காட்சிகள் பார்ப்பவர்களின் கவனத்தை ஈர்த்துள்ளன.

இதையும் படிங்க: அடி ஆத்தி... என்னம்மா வீடியோ பாக்குது இந்த பாம்பு! அந்த பையனுக்கும் பயமே இல்ல... விஷ நாக வீடியோ!!!

பொதுவாக மனிதர்கள் போதையில் இருப்பதைப் போல பாம்பின் அசைவுகள் இருப்பதால், வீடியோவை பார்த்த பலரும் நகைச்சுவையாக கருத்துகளை பதிவிட்டு வருகின்றனர். “பாம்புக்கு போதை ஏறிவிட்டதா?” என சிலர் கேட்க, இந்தக் காட்சியை வைத்து விதவிதமான மீம்களும் பகிரப்பட்டு வருகின்றன.

உண்மையில் பாம்புக்கு போதை ஏறுமா?

எனினும், பாம்புகள் மது அருந்தி மனிதர்களைப் போல போதை நிலைக்கு செல்வதில்லை என வனவிலங்கு ஆர்வலர்கள் தெரிவிக்கின்றனர். அச்சுறுத்தல், தற்காப்பு நடவடிக்கை, பார்வை அல்லது நரம்பு மண்டலத்தில் ஏற்படும் பாதிப்பு உள்ளிட்ட பல்வேறு காரணங்களால் பாம்புகள் சில நேரங்களில் இயல்புக்கு மாறான உடல் அசைவுகளை வெளிப்படுத்தக்கூடும்.

சமூக வலைதளங்களில் சிரிப்பலை

அதனால், வீடியோவில் காணப்படும் அசைவுக்கான சரியான காரணம் உறுதி செய்யப்படாத நிலையில், அதை வைத்து முடிவுக்கு வருவது சரியல்ல. இருப்பினும், ஆபத்தான விஷப்பாம்பான ராஜநாகம் இவ்வாறு வித்தியாசமாக நடந்து கொள்ளும் காட்சி தற்போது இணையத்தில் பெரும் கவனத்தை பெற்றுள்ளது. வைரல் வீடியோவாக பரவி வரும் இந்தக் காட்சியை நெட்டிசன்கள் தொடர்ந்து பகிர்ந்து வருகின்றனர்.

இதையும் படிங்க: அடி ஆத்தி... என்னம்மா வீடியோ பாக்குது இந்த பாம்பு! அந்த பையனுக்கும் பயமே இல்ல... விஷ நாக வீடியோ!!!