குழந்தைகள் விரும்பி குடிக்கும் புரூட்டி ஜூஸ்! பாக்கெட்டை திறந்த அம்மாவுக்கு காத்திருந்த அதிர்ச்சி..... இணையத்தில் தீயாய் பரவும் பகீர் காட்சி!!!

குழந்தைகள் அதிகம் விரும்பி குடிக்கும் புரூட்டி ஜூஸ் குறித்து சமூகவலைதளங்களில் வெளியாகியுள்ள வீடியோ ஒன்று பரபரப்பை ஏற்படுத்தியுள்ளது. 10 ரூபாய் ஜூஸ் பாக்கெட்டில் இருந்து மாம்பழ ஜூஸுக்கு பதிலாக கருப்பு நிற திரவம் வெளியான காட்சிகள் பலரையும் அதிர்ச்சியடைய வைத்துள்ளன. பெற்றோர்கள் மத்தியில் இந்த வீடியோ தற்போது தீவிரமாக பகிரப்பட்டு வருகிறது.

பாக்கெட்டில் இருந்து வெளியான கருப்பு நிற திரவம்

வைரலாகும் அந்த வீடியோவில், பெண் ஒருவர் கடையில் வாங்கிய புரூட்டி ஜூஸ் பாக்கெட்டை வெட்டி ஒரு பாத்திரத்தில் ஊற்றுகிறார். அப்போது வழக்கமான மஞ்சள் நிற ஜூஸுக்கு பதிலாக, சாக்கடைத் தண்ணீரைப் போன்ற அடர் கருப்பு நிற திரவம் வெளியேறுகிறது. இதைப் பார்த்த அவர் அதிர்ச்சியடைந்து வீடியோ பதிவு செய்துள்ளார்.

இந்த காட்சிகள் இணையத்தில் வேகமாக பரவி வரும் நிலையில், பலரும் தயாரிப்புகளின் தரம் குறித்து கேள்வி எழுப்பி வருகின்றனர். குறிப்பாக குழந்தைகள் பயன்படுத்தும் உணவுப் பொருட்கள் மற்றும் பானங்களை வாங்கும் போது கூடுதல் கவனம் தேவை என நெட்டிசன்கள் கருத்து தெரிவித்து வருகின்றனர்.

இதையும் படிங்க: ஐயோ.... வலிக்குது... தயவு செய்து விட்டுடுங்க! பயிற்சியில் கதறி துடித்த மாணவி.... கண்டுக்கொள்ளாத ஆசிரியர்.! வைரல் வீடியோவால் வெடித்த விவாதம்..!!!

பெற்றோர்கள் மத்தியில் அதிகரித்த கவலை

“பிராண்ட் பெயரை மட்டும் நம்பி பொருட்கள் வாங்கக் கூடாது”, “குழந்தைகளின் உடல்நலத்தில் கவனம் அவசியம்” என பலரும் சமூக வலைதளங்களில் பதிவிட்டு வருகின்றனர். சிலர், packet juice வகை பானங்களை வாங்கும் முன் உற்பத்தி தேதி மற்றும் தரத்தை சரிபார்க்க வேண்டும் என்றும் எச்சரிக்கை விடுத்துள்ளனர்.

சமூக வலைதளங்களில் தீவிர விவாதம்

இந்த வீடியோ உண்மையா, அல்லது பழுதடைந்த பொருளா என்பது குறித்து அதிகாரப்பூர்வ தகவல் எதுவும் வெளியாகவில்லை. இருப்பினும், வீடியோவை பார்த்த பல பெற்றோர்கள் கவலை வெளியிட்டு வருகின்றனர். குழந்தைகள் பயன்படுத்தும் உணவுப் பொருட்களில் தரக்கட்டுப்பாடு மிக முக்கியம் என்பதையும் இந்த விவாதம் மீண்டும் முன்னிறுத்தியுள்ளது.

இதையும் படிங்க: ஆபீஸ் நேரத்துல அடிக்குற கூத்த பாருங்க.... வங்கி மேலாளர் அறையிலே இப்படியா? அதிர்ச்சி வீடியோ...!!!