அம்பலமான மோசடி! ஷூ ஆர்டர் செய்த வாடிக்கையாளர் செய்த அதிர்ச்சி காரியம்! டெலிவரி ஊழியர்கள் ரூமுக்குள் கண்ட அதிர்ச்சி!!!

சென்னையில் ஆன்லைன் டெலிவரி சேவைகளை தவறாக பயன்படுத்தும் சம்பவங்கள் அதிகரித்து வரும் நிலையில், Zepto நிறுவனத்தை ஏமாற்ற முயன்ற வாடிக்கையாளர் கையும் களவுமாக சிக்கியுள்ள சம்பவம் பெரும் அதிர்ச்சியை ஏற்படுத்தியுள்ளது.

Zepto டெலிவரி மோசடி அம்பலம்

சென்னையை சேர்ந்த ஒரு வாடிக்கையாளர், Zepto ஆன்லைன் டெலிவரி நிறுவனத்தில் புதிய பொருட்களை ஆர்டர் செய்து, ரிட்டர்ன் செய்யும்போது பழைய மற்றும் கிழிந்த பொருட்களை பார்சலில் வைத்து அனுப்பி வந்ததாக குற்றச்சாட்டு எழுந்துள்ளது. இந்த மோசடியை நிறுவனத்தின் டெலிவரி ஊழியர் சூர்யா சேவியோ சமூக வலைதளத்தில் பகிர்ந்த வீடியோ மூலம் வெளிச்சத்திற்கு கொண்டு வந்தார்.

புதிய ஷூக்களுக்கு பதிலாக பழைய ஷூக்கள்

சமீபத்தில் அந்த நபர் நான்கு ஜோடி புதிய ஷூக்களை ஆர்டர் செய்துள்ளார். டெலிவரி செய்யப்பட்ட சில நிமிடங்களிலேயே, அவற்றை ரிட்டர்ன் செய்வதாக கூறி பார்சலை ஊழியரிடம் கொடுத்துள்ளார். ஆனால் பார்சல் நிறுவனத்திற்கு திரும்பியபோது, அதில் புதிய ஷூக்களுக்கு பதிலாக பழைய, தேய்ந்த ஷூக்கள் இருந்தது தெரியவந்தது.

இதையும் படிங்க: கல்லூரி பேராசிரியை மீது தீராத ஆசை! இரண்டு இளையர்கள் சேர்ந்து போதைப்பொருள் கொடுத்து.... பரபரப்பு சம்பவம்!

ஊழியர்கள் நேரடி விசாரணை

இதுபோன்ற சம்பவங்கள் தொடர்ந்து நடந்ததால் சந்தேகமடைந்த ஆன்லைன் மோசடி குறித்து, பத்துக்கும் மேற்பட்ட டெலிவரி ஊழியர்கள் நேரடியாக அந்த வாடிக்கையாளரின் வீட்டிற்கு சென்று விசாரணை நடத்தினர். ஆரம்பத்தில் மோசடி செய்யவில்லை என மறுத்த அவர், ஊழியர்களின் கடுமையான விசாரணைக்கு பிறகு சிக்கிக்கொண்டார்.

ஒளித்து வைத்திருந்த புதிய பொருட்கள்

அவரது அறையை சோதனை செய்தபோது, டேபிளின் அடியில் மறைத்து வைக்கப்பட்டிருந்த புதிய ஷூக்கள் கண்டுபிடிக்கப்பட்டன. இதனால் வாடிக்கையாளர் செய்த மோசடி உறுதியானது.

இந்த சம்பவம், ரிட்டர்ன் வசதியை சுயநலத்திற்காக தவறாக பயன்படுத்துவோர் குறித்து ஆன்லைன் நிறுவனங்களுக்கும், டெலிவரி ஊழியர்களுக்கும் விழிப்புணர்வு ஏற்படுத்தியுள்ளது. நியாயமான வாடிக்கையாளர்கள் பாதிக்கப்படாத வகையில், நிறுவனங்கள் கூடுதல் கண்காணிப்பை மேற்கொள்ள வேண்டிய அவசியத்தை இந்த நிகழ்வு வலியுறுத்துகிறது.

இதையும் படிங்க: மன்னிச்சிரு அம்மா... கடிதம் எழுதிவைத்துவிட்டு மனைவியோடு தற்கொலை செய்து கொண்ட மகன்! உயிருக்கு போராடும் பேத்தி! அதிர்ச்சி சம்பவம்!