நர்ஸ் கொலையில் திடீர் திருப்பம்..! நிர்வாண கோலம்... சக ஊழியர் சரவணன் செய்த கொடூரம்! அம்பலமான அதிரவைக்கும் வாக்குமூலம்.. குலை நடுங்க வைக்கும் பின்னணி..!!!

திருப்பூர் மாவட்டம் ஊத்துக்குளி அருகே, 4 சவரன் நகைக்காக 26 வயது நர்ஸ் உத்திரா கொலை செய்யப்பட்ட வழக்கில், அவருடன் பணியாற்றிய மருத்துவமனை ஊழியர் சரவணன் கைது செய்யப்பட்டுள்ளார். நகைக்காகக் கொலை செய்துவிட்டு, போலீசாரைத் திசைதிருப்ப உத்திராவின் ஆடைகளைக் களைந்து வீசியதாக அவர் வாக்குமூலம் அளித்துள்ளதாகத் தகவல் வெளியாகியுள்ளது. இந்த வழக்கு அப்பகுதியில் அதிர்ச்சியை ஏற்படுத்தியுள்ளது.

பெருந்துறையில் இறக்கிவிடுவதாகக் கூறி அழைத்துச் சென்ற சரவணன்

தனியார் மருத்துவமனையில் நர்ஸாகப் பணியாற்றி வந்த உத்திராவை, பெருந்துறையில் இறக்கிவிடுவதாகக் கூறி சரவணன் தனது இருசக்கர வாகனத்தில் அழைத்துச் சென்றுள்ளார். பின்னர் ஆள் நடமாட்டம் இல்லாத காட்டுப்பகுதியில் வைத்து அவரது கழுத்தை நெரித்துக் கொலை செய்ததாக போலீசார் விசாரணையில் தெரியவந்துள்ளது. இதையடுத்து, உத்திரா அணிந்திருந்த 4 சவரன் நகைகளை அவர் எடுத்துச் சென்றுள்ளார்.

இதையும் படிங்க: சொந்த வீட்டிலே நடந்த அதிர்ச்சி! வீட்டின் கதவை திறந்த மஞ்சுநாத் வீட்டில் நடந்த பயங்கரம்...!!!

கொலையை மறைக்க முயன்றதாக வாக்குமூலம்

நகைக்காக நடந்த கொலை என்ற சந்தேகம் போலீசாருக்கு எழாமல் இருக்க, உத்திராவின் ஆடைகளைக் களைந்து வீசியதாக சரவணன் வாக்குமூலம் அளித்துள்ளதாகத் தகவல் வெளியாகியுள்ளது. 

சிசிடிவி காட்சிகள் மூலம் விசாரணை

சம்பவம் தொடர்பாக சிசிடிவி காட்சிகளை ஆய்வு செய்த ஊத்துக்குளி காவல்துறையினர், தொடர்ந்து விசாரணை நடத்தி சரவணனை கைது செய்துள்ளனர். கொலை நடந்த சூழல், நகைகள் மீட்கப்பட்டுள்ளனவா, வேறு யாருக்காவது தொடர்பு உள்ளதா என்பது உள்ளிட்ட கோணங்களில் போலீசார் விசாரணையைத் தொடர்ந்து வருகின்றனர்.

இதையும் படிங்க: " அண்ணன் சீர் " திட்டம்..! பெண்களுக்கு 8 கிராம் தங்கம் + பட்டுப்பபுடவை... தமிழக அரசு வெளியிட்ட அதிரடி புதிய வழிகாட்டுதல்கள்..!!!