சிவகங்கையில் ஆடு மேய்க்கச் சென்ற 12 வயது சிறுமிக்கு நேர்ந்த கொடூரம்! மாலையில் ஆடுகள் மட்டும் திரும்பிய நிலையில்.... மாணவியை தேடிய பெற்றோர்கள்! ஊருணித் தண்ணீரில் கண்ட அதிர்ச்சி...!!!
சிவகங்கையில் கோடை விடுமுறையில் ஆடு மேய்க்கச் சென்ற 7-ம் வகுப்பு மாணவி அபிநயா ஊருணியில் சடலமாக மீட்கப்பட்ட சம்பவம் குறித்து போலீசார் தீவிர விசாரணை நடத்தி வருகின்றனர்.
by
சிவகங்கை மாவட்டத்தில் கோடை விடுமுறையில் ஆடு மேய்க்கச் சென்ற 12 வயது சிறுமி ஊருணியில் சடலமாக மீட்கப்பட்ட சம்பவம் அதிர்ச்சியை ஏற்படுத்தியுள்ளது. ஏழாம் வகுப்பு படித்து வந்த அபிநயா மாலை வரை வீடு திரும்பாததால் குடும்பத்தினர் தேடுதல் பணியில் ஈடுபட்டனர். பின்னர் அருகிலிருந்த ஊருணியில் அவரது உடல் மிதந்த நிலையில் கண்டுபிடிக்கப்பட்டது.
ஆடு மேய்க்கச் சென்றபோது நடந்த சோகம்
சிவகங்கை மாவட்டத்தைச் சேர்ந்த ராஜராஜசோழனின் மகள் அபிநயா (12), அருகிலுள்ள பள்ளியில் ஏழாம் வகுப்பு படித்து வந்தார். தற்போது பள்ளிகளுக்கு கோடை விடுமுறை விடப்பட்டுள்ளதால் வீட்டிலேயே இருந்துள்ளார். நேற்று முன்தினம் தனது தாயாருடன் ஆடு மேய்க்க அருகிலுள்ள பகுதியில் சென்றதாக கூறப்படுகிறது.
தகவலின்படி, ஆடுகளை கவனித்துக்கொள்ளுமாறு மகளிடம் கூறிவிட்டு, சிறுமியின் தாயார் சில வேலைகளுக்காக வீட்டிற்கு திரும்பியுள்ளார். ஆனால் மாலை நேரமாகியும் அபிநயா வீடு திரும்பவில்லை. இதனால் பதற்றமடைந்த குடும்பத்தினர் மற்றும் உறவினர்கள் பல இடங்களில் தேடியுள்ளனர்.
இதையும் படிங்க: அதிர்ச்சி! காலையில் பள்ளிக்குச் சென்ற 5 வயது சிறுமி திடீரென மயங்கி உயிரிழப்பு! சிவகங்கையில் பெரும் சோகம்!
ஆடுகள் மட்டும் வீட்டிற்கு திரும்பியதால் பதற்றம்
மாலையில் ஆடுகள் மட்டும் வீட்டிற்கு திரும்பியதை பார்த்த குடும்பத்தினர் அதிர்ச்சியடைந்தனர். இதையடுத்து கிராம மக்கள் இணைந்து சுற்றுவட்டார பகுதிகளில் தேடுதல் நடத்தினர். அப்போது அப்பகுதியில் உள்ள ஊருணித் தண்ணீரில் சிறுமி அபிநயா பிணமாக மிதந்ததை கண்ட மக்கள் போலீசாருக்கு தகவல் தெரிவித்தனர்.
போலீசார் தீவிர விசாரணை
தகவல் அறிந்த போலீசார் சம்பவ இடத்திற்கு விரைந்து சென்று சிறுமியின் உடலை மீட்டனர். பின்னர் பிரேத பரிசோதனைக்காக அரசு மருத்துவமனைக்கு அனுப்பி வைத்தனர். மரணத்திற்கான காரணம் குறித்து வழக்குப் பதிவு செய்து விசாரணை நடத்தப்பட்டு வருகிறது.
பிரேத பரிசோதனை அறிக்கை வந்த பின்னரே உயிரிழப்புக்கான உண்மையான காரணம் தெரியவரும் என போலீசார் தெரிவித்துள்ளனர். கோடை விடுமுறையில் ஆடு மேய்க்கச் சென்ற சிறுமி உயிரிழந்த சம்பவம் அப்பகுதியில் சோகத்தை ஏற்படுத்தியுள்ளது.
