வேலைக்கு செல்வதாக வீட்டில் சொல்லிவிட்டு தனியார் விடுதியில் காதலனுடன் இருந்த 18 வயது இளம்பெண்! மதிய உணவுக்கு பின் நடந்த அதிர்ச்சி சம்பவம்.... திருச்சியில் அரங்கேறிய பயங்கரம்..!!!
திருச்சியில் காதலனுடன் விடுதியில் தங்கியிருந்த 18 வயது இளம்பெண் திடீரென உயிரிழந்தார். விடுதி அறையில் இருந்து போதை மாத்திரைகள் பறிமுதல் செய்யப்பட்ட நிலையில் போலீசார் தீவிர விசாரணை நடத்தி வருகின்றனர்.
by
திருச்சி மத்திய பேருந்து நிலையம் அருகே உள்ள தனியார் விடுதியில் தங்கியிருந்த 18 வயது இளம்பெண் மர்மமான முறையில் உயிரிழந்த சம்பவம் அதிர்ச்சியை ஏற்படுத்தியுள்ளது. காதலனுடன் வெளியூர் சுற்றிவிட்டு வந்த நிலையில் இந்த மரணம் நிகழ்ந்துள்ளதால், போலீசார் பல்வேறு கோணங்களில் விசாரணை நடத்தி வருகின்றனர்.
உயிரிழந்த இளம்பெண் அரியமங்கலம் பகுதியைச் சேர்ந்தவர். அவருடன் அதே பகுதியைச் சேர்ந்த 19 வயது இளைஞர் சதாம் உசேன் காதல் உறவில் இருந்ததாக கூறப்படுகிறது.
இதையும் படிங்க: அக்கா கதவை திற ரொம்ப பயமா இருக்கு! கதவை உடைத்து பார்த்தவர்களுக்கு பேரதிர்ச்சி.. கன்னியாகுமரியில் நடந்த பயங்கரம்!
வேலைக்குச் செல்வதாக கூறிவிட்டு வெளியூர் பயணம்
12-ஆம் வகுப்பு வரை படித்துள்ள அந்தப் பெண், குடும்பச் சூழல் காரணமாக திருமண நிகழ்வுகளுக்குக் கேட்டரிங் பணிக்குச் சென்று வந்துள்ளார். கடந்த 1-ஆம் தேதி வேலைக்குச் செல்வதாகவும், பணிச்சுமை காரணமாக ஒரு வாரம் கழித்தே வீடு திரும்புவதாகவும் குடும்பத்தினரிடம் கூறிவிட்டு வெளியேறியுள்ளார்.
ஆனால், பின்னர் அவர் வேலைக்குச் செல்லாமல் சதாம் உசேனுடன் வேளாங்கண்ணி உள்ளிட்ட பல பகுதிகளுக்குச் சென்று வந்தது விசாரணையில் தெரியவந்துள்ளது. இதையடுத்து, இருவரும் திருச்சி திரும்பி மத்திய பேருந்து நிலையம் அருகேயுள்ள ஒரு தனியார் விடுதியில் அறை எடுத்து தங்கியுள்ளனர்.
உணவு சாப்பிட்ட பிறகு மயங்கி விழுந்த இளம்பெண்
தகவலின்படி, மதிய உணவு அருந்திய சில நிமிடங்களிலேயே இளம்பெண் திடீரென மயங்கி விழுந்துள்ளார். இதனால் பதற்றமடைந்த சதாம் உசேன், தனது நண்பர் ஷேக் அப்துல்லாவை தொடர்புகொண்டு உதவி கேட்டுள்ளார்.
இருவரும் சேர்ந்து முதலில் ஒரு தனியார் மருத்துவமனைக்கு அழைத்துச் சென்றனர். அங்கு மருத்துவர்கள் உடனடியாக அரசு மருத்துவமனைக்கு மாற்றுமாறு அறிவுறுத்தியதைத் தொடர்ந்து, திருச்சி அரசு மருத்துவமனைக்கு கொண்டு செல்லப்பட்டார். ஆனால், பரிசோதனை செய்த மருத்துவர்கள் அவர் ஏற்கனவே உயிரிழந்துவிட்டதாக தெரிவித்தனர்.
விடுதி அறையில் போதை மாத்திரைகள் பறிமுதல்
மருத்துவமனை நிர்வாகம் அளித்த தகவலின் அடிப்படையில் கண்டோன்மெண்ட் போலீசார் விசாரணையை தொடங்கினர். சதாம் உசேன் மற்றும் அவரது நண்பர் ஷேக் அப்துல்லா ஆகியோர் காவல் நிலையத்திற்கு அழைத்துச் செல்லப்பட்டு விசாரிக்கப்பட்டு வருகின்றனர். காவல்துறை துணை ஆணையர் சிருஷ்டி சிங் முன்னிலையில் இந்த விசாரணை நடைபெறுகிறது.
அவர்கள் தங்கியிருந்த விடுதி அறையை சோதனையிட்ட போலீசார், அங்கிருந்து போதை மாத்திரைகள் மற்றும் ஊசிகளை பறிமுதல் செய்துள்ளனர். முதற்கட்ட விசாரணையில் இருவருக்கும் போதைப் பொருள் பயன்படுத்தும் பழக்கம் இருந்ததாக தெரியவந்துள்ளது.
இதனால், அதிக அளவில் போதை மருந்து பயன்படுத்தியதால் இளம்பெண் உயிரிழந்திருக்கலாம் என்ற சந்தேகம் போலீசாருக்கு ஏற்பட்டுள்ளது. அதே நேரத்தில், உணவு அருந்திய பிறகே உடல்நலக்குறைவு ஏற்பட்டதாக சதாம் உசேன் தெரிவித்துள்ளதால், மரணத்திற்கான உண்மையான காரணம் குறித்து மருத்துவ அறிக்கை மற்றும் தடயவியல் ஆய்வு முடிவுகளை போலீசார் எதிர்பார்த்து வருகின்றனர்.
விசாரணையில் வெளியான பழைய வழக்கு தகவல்
இந்த வழக்கின் பின்னணி தொடர்பாக நடத்தப்பட்ட விசாரணையில் மேலும் ஒரு முக்கிய தகவல் வெளியாகியுள்ளது. கடந்த 2024-ஆம் ஆண்டு, உயிரிழந்த இதே பெண்ணை பாலியல் துன்புறுத்தியதாக சதாம் உசேன் மீது போக்சோ சட்டத்தின் கீழ் வழக்குப் பதிவு செய்யப்பட்டு அவர் கைது செய்யப்பட்டிருந்ததாக போலீசார் தெரிவித்துள்ளனர். பின்னர் அவர் ஜாமீனில் வெளியே வந்ததாகவும் கூறப்படுகிறது.
இளம்பெண்ணின் உயிரிழப்புக்கான காரணம் குறித்து தொடர்ந்து விசாரணை நடைபெற்று வரும் நிலையில், பிரேதப் பரிசோதனை அறிக்கை வெளியான பின்னரே முழுமையான தகவல்கள் தெரியவரும் என போலீசார் தெரிவித்துள்ளனர்.
இதையும் படிங்க: திடீரென மயங்கி விழுந்து சிறுமி உயிரிழப்பு! என்ன காரணம்? சுடுகாட்டில் புதைக்கப்பட்ட உடலை தோண்டி எடுத்த போலீஸ்... கொலை நடுங்க வைக்கும் பின்னணி!!!
