வேற லெவல்... அரசு வேலைக்காக காத்திருப்பவர்களுக்கு வெளியான மகிழ்ச்சி செய்தி! CM விஜய்யின் அதிரடி அறிவிப்பு...!!!

தமிழக அரசுப் பணிகளுக்கான நேரடி நியமனத் தேர்வுகளில் வயது உச்சவரம்பை 5 ஆண்டுகள் உயர்த்தி தமிழ்நாடு அரசு உத்தரவிட்டுள்ளது. முதலமைச்சர் ச. ஜோசப் விஜய் பிறப்பித்துள்ள இந்த உத்தரவு, அரசுப் பணிக்காகத் தயாராகி வரும் இளைஞர்களுக்கு கூடுதல் வாய்ப்பை ஏற்படுத்தியுள்ளது. புதிய வயது வரம்பு 2026 அக்டோபர் 30 முதல் அடுத்த ஐந்து ஆண்டுகளுக்கு நடைமுறையில் இருக்கும் என அறிவிக்கப்பட்டுள்ளது.

குரூப் 1 தேர்வுக்கான புதிய வயது வரம்பு

பிற்படுத்தப்பட்டோர் (BC), மிகவும் பிற்படுத்தப்பட்டோர் (MBC/DNC), ஆதிதிராவிடர் மற்றும் பழங்குடியினர் (SC/ST), ஆதரவற்ற விதவைகள் உள்ளிட்ட பிரிவினருக்கு ஏற்கெனவே வழங்கப்பட்டு வரும் வயதுச் சலுகைகளுடன் கூடுதலாக இந்த உயர்வு வழங்கப்படுவதாகத் தெரிவிக்கப்பட்டுள்ளது.

இதையும் படிங்க: கூட்டுறவு வங்கி நகைக்கடன்.. இனி 1 கிராம் தங்கத்துக்கு 10,000..! இரவோடு இரவாக தமிழக அரசு வெளியிட்ட சூப்பர் அறிவிப்பு..!!!

TNPSC குரூப் 1 தேர்வில் பொதுப்பிரிவினருக்கான அதிகபட்ச வயது வரம்பு 32-லிருந்து 37 ஆக உயர்த்தப்பட்டுள்ளது. இடஒதுக்கீட்டுப் பிரிவினருக்கு 37-லிருந்து 42 ஆக மாற்றப்பட்டுள்ளது. மாற்றுத்திறனாளிகளில் பொதுப்பிரிவினருக்கு 47 வயது வரையும், இடஒதுக்கீட்டுப் பிரிவினருக்கு 52 வயது வரையும் வாய்ப்பு வழங்கப்பட்டுள்ளது.

குரூப் 2, 2ஏ மற்றும் குரூப் 4 தேர்வுகளில் மாற்றம்

குரூப் 2 மற்றும் குரூப் 2ஏ தேர்வுகளுக்குப் பொதுப்பிரிவினரின் வயது உச்சவரம்பு 30-லிருந்து 35 ஆக உயர்த்தப்பட்டுள்ளது. இடஒதுக்கீட்டுப் பிரிவினருக்கு அதிகபட்ச வயது வரம்பு இல்லை என அறிவிக்கப்பட்டுள்ளது.

குரூப் 4 தேர்வைப் பொறுத்தவரை, உயர்கல்வித் தகுதி உள்ள பொதுப்பிரிவினருக்கு வயது வரம்பு 35 ஆக நிர்ணயிக்கப்பட்டுள்ளது. உயர்கல்வித் தகுதி இல்லாதவர்களுக்குப் பொதுப்பிரிவில் 35 வயதாகவும், இடஒதுக்கீட்டுப் பிரிவில் 37 வயதாகவும் மாற்றப்பட்டுள்ளது. மாற்றுத்திறனாளிகள் மற்றும் ஆதரவற்ற விதவைகளுக்கான சிறப்புச் சலுகைகளும் அரசாணையில் குறிப்பிடப்பட்டுள்ளன.

ஐந்து ஆண்டுகளுக்கு அமலில் இருக்கும் சலுகை

இந்த வயது வரம்பு உயர்வு 30.10.2026 முதல் அடுத்த ஐந்து ஆண்டுகளுக்கு நடைமுறையில் இருக்கும் என அரசு தெரிவித்துள்ளது. கொரோனா பெருந்தொற்று உள்ளிட்ட காரணங்களால் தேர்வுகள் தள்ளிப்போனதால், வயது வரம்பைக் கடந்து வாய்ப்பை இழக்கும் நிலைக்குத் தள்ளப்பட்ட பல இளைஞர்களுக்கு இந்த முடிவு உதவியாக இருக்கும் என எதிர்பார்க்கப்படுகிறது.

புதிய வயது வரம்பு குறித்த முழு விவரங்களையும் தேர்வர்கள் அரசாணையில் சரிபார்த்து, தங்களது பிரிவு மற்றும் கல்வித் தகுதிக்கு ஏற்ப விண்ணப்பிக்க வேண்டும்.

இதையும் படிங்க: மகளிர் உரிமைத் தொகை ரூ. 2500 இல் அதிரடி மாற்றம்..! தீவிரமாக நடக்கும் வேலை... அமைச்சர் ஜெகதீஸ்வரி வெளியிட்ட முக்கிய தகவல்..!!!