மாணவர்களுக்கு மகிழ்ச்சி செய்தி! வங்கி கணக்கில் ரூ.4000.... தமிழக அரசு வெளியிட்ட சூப்பர் அறிவிப்பு!!!

தமிழகத்தில் ஊரகப் பகுதிகளில் பயிலும் மாணவர்களின் கல்வித் திறனை ஊக்குவிக்கும் நோக்கில் நடத்தப்படும் தமிழ்நாடு ஊரகத் திறனாய்வுத் தேர்வு தொடர்பான முக்கிய அறிவிப்பு வெளியாகியுள்ளது. இந்தத் தேர்வின் முடிவுகளைத் தொடர்ந்து, வருவாய் மாவட்ட வாரியான தெரிவுப்பட்டியலை அரசுத் தேர்வுகள் இயக்ககம் வெளியிட்டுள்ளது.

மாவட்ட வாரியான தெரிவுப்பட்டியல் வெளியீடு

தமிழக அரசின் கல்வி உதவித் திட்டத்தின் ஒரு பகுதியாக, ஊரகப் பகுதிகளில் பயிலும் 9ஆம் வகுப்பு மாணவர்களுக்கு திறனாய்வுத் தேர்வு நடத்தப்படுகிறது. 2025 ஆம் ஆண்டு டிசம்பர் 6 அன்று நடைபெற்ற இந்தத் தேர்வில் ஒவ்வொரு வருவாய் மாவட்டத்திலிருந்தும் தலா 100 மாணவர்கள் தேர்வு செய்யப்பட்டுள்ளனர். இதில் 50 மாணவர்கள் மற்றும் 50 மாணவியர் இடம்பெற்றுள்ளனர்.

4 ஆண்டுகள் கல்வி உதவித் தொகை

இந்தத் தேர்வில் தேர்ச்சி பெற்ற மாணவர்களுக்கு நான்கு ஆண்டுகள் தொடர்ந்து கல்வி ஊக்கத்தொகை வழங்கப்படுகிறது. அதன்படி ஒவ்வொரு மாணவருக்கும் ஆண்டுக்கு ரூ.1,000 வீதம் உதவித்தொகை வழங்கப்படும். இந்தத் திட்டம் ஊரக மாணவர்களின் கல்வி முன்னேற்றத்தையும் போட்டித் திறனையும் மேம்படுத்தும் நோக்கில் செயல்படுத்தப்படுகிறது.

இதையும் படிங்க: மாதந்தோறும் ரூ. 1500 வழங்க... தமிழகம் முழுவதும் நாளை(நவ..20) அனைத்து பள்ளிகளுக்கும் அரசு வெளியிட்ட அவசர அறிவிப்பு.!

இணையதளத்தில் முடிவுகள்

மாணவர்கள் மற்றும் பெற்றோர்கள் தேர்வு முடிவுகள் மற்றும் தெரிவுப்பட்டியலை dge.tn.gov.in என்ற அதிகாரப்பூர்வ இணையதளத்தில் உள்ள “Other Examinations” பகுதியில் சென்று சரிபார்த்துக்கொள்ளலாம் என்று அரசுத் தேர்வுகள் இயக்ககம் தெரிவித்துள்ளது.

மேலும், தேர்ந்தெடுக்கப்பட்ட மாணவர்களுக்கு வழங்கப்படும் கல்வி உதவித் தொகை தொடர்பான இறுதி பட்டியல், பள்ளிக்கல்வி இயக்ககத்தின் சரிபார்ப்பிற்குப் பிறகே நடைமுறைக்கு வரும் என்றும் அதிகாரிகள் தெரிவித்துள்ளனர். சென்னை மாவட்டத்தைத் தவிர்த்து மற்ற அனைத்து ஊரகப் பகுதிகளில் இருந்து தேர்வு செய்யப்பட்ட மாணவர்கள் தங்களது மாவட்ட வாரியான பட்டியலை விரைவாக சரிபார்க்குமாறு அரசுத் தேர்வுகள் இயக்ககம் அறிவுறுத்தியுள்ளது.

இதையும் படிங்க: ஹாப்பி நியூஷ்! 10ஆம் வகுப்பு மாணவர்களுக்கு ரூ.10,000.... தமிழக அரசு வெளியிட்ட முக்கிய அறிவிப்பு.!!!