குழந்தை இழுத்து அறுந்து விழுந்த 1.5 பவுன் தங்க செயின்! கடவுளாய் வந்த தூய்மை பணியாளர்... நெகிழ்ச்சி வீடியோ..!!!

திருவாரூர் விளமல் பகுதியில் உள்ள தனியார் மருத்துவமனையில், கீழே கிடந்த 1.5 பவுன் தங்கச் செயினை பெண் தூய்மைப் பணியாளர் ஒருவர் நேர்மையாக ஒப்படைத்துள்ளார். சுமார் ரூ.2 லட்சம் மதிப்புள்ள அந்த நகை, மருத்துவமனை நிர்வாகத்தின் உதவியுடன் உரிய பெண்ணிடம் மீண்டும் சேர்க்கப்பட்டது. ஊழியரின் நேர்மையான செயலுக்கு பொதுமக்கள் பாராட்டு தெரிவித்து வருகின்றனர்.

குழந்தை இழுத்ததில் அறுந்து விழுந்த தங்கச் செயின்

விளமல் பகுதியில் உள்ள தனியார் மருத்துவமனைக்கு பெண் ஒருவர் தனது குழந்தையுடன் சிகிச்சைக்காக வந்திருந்தார். அப்போது தாயின் இடுப்பில் இருந்த குழந்தை, விளையாட்டாக அவரது கழுத்தில் கிடந்த தங்கச் செயினைப் பிடித்து இழுத்துள்ளது. இதில் சுமார் 1.5 பவுன் எடை கொண்ட செயின் அறுந்து மருத்துவமனை வளாகத்தில் விழுந்தது.

இதையும் படிங்க: BREAKING: ஷாக் நியூஷ்! அன்றைய நாட்களில் இனி டாஸ்மாக் கடைகள் இயங்காது...! தமிழக அரசு எடுத்த அதிரடி முடிவு...!!!

இதைக் கவனிக்காத அந்தப் பெண், நகையைத் தவறவிட்டுவிட்டு அங்கிருந்து சென்றுவிட்டார். பின்னர் மருத்துவமனையில் தூய்மைப் பணியில் ஈடுபட்டிருந்த பெண் ஊழியர், தரையில் கிடந்த செயினைக் கண்டெடுத்தார்.

நகையை நிர்வாகத்திடம் ஒப்படைத்த ஊழியர்

செயினை எடுத்த அந்த ஊழியர், அதைத் தன்னிடம் வைத்துக்கொள்ளாமல் உடனடியாக மருத்துவமனை நிர்வாகத்திடம் ஒப்படைத்தார். இதையடுத்து, நிர்வாகத்தினர் மருத்துவமனையில் இருந்த சிசிடிவி காட்சிகளை ஆய்வு செய்து, நகையைத் தவறவிட்ட பெண்ணைக் கண்டறிய நடவடிக்கை எடுத்தனர்.

காவல்துறையினர் மூலமாக அந்தப் பெண் வரவழைக்கப்பட்டு, தங்கச் செயின் அவரிடம் பத்திரமாக ஒப்படைக்கப்பட்டது. சுமார் ரூ.2 லட்சம் மதிப்புள்ள நகை கிடைத்தும் அதை நேர்மையாக ஒப்படைத்த தூய்மைப் பணியாளரின் செயல் பலரது கவனத்தையும் ஈர்த்துள்ளது. அவரது நேர்மையைப் பொதுமக்களும் சமூக வலைதளங்களில் பலரும் பாராட்டி வருகின்றனர்.

இதையும் படிங்க: இப்போ முடியாது...! 2028-க்குப் பிறகே தமிழக உள்ளாட்சி தேர்தல்? வெளியான பரபரப்புத் தகவல்..!!!