BREAKING: சிக்கிய பல லட்சம் ரூபாய் ரொக்கப் பணம்! தமிழகத்தில் ஒரே நாளில் 60 இடங்களில் ரெய்டு...... இரவோடு இரவாக நடந்த அதிர்ச்சி.!!!

தமிழகத்தில் 60 சார் பதிவாளர் அலுவலகங்களில் லஞ்ச ஒழிப்புத்துறையினர் நடத்திய அதிரடி சோதனையைத் தொடர்ந்து, அரசுக்கு வருவாய் இழப்பை ஏற்படுத்தியதாகக் கூறப்படும் புகாரின் அடிப்படையில் 3 சார் பதிவாளர்கள் பணியிடை நீக்கம் செய்யப்பட்டுள்ளனர். இந்த நடவடிக்கை பதிவுத்துறையில் பரபரப்பை ஏற்படுத்தியுள்ளது.

திருப்பத்தூர், தருமபுரி மற்றும் கிருஷ்ணகிரி மாவட்டங்களில் பணியாற்றிய சார் பதிவாளர்கள் மீது இந்த நடவடிக்கை எடுக்கப்பட்டுள்ளது. வணிக வரி மற்றும் பதிவுத்துறை செயலாளர் குமரகுருபரன் உத்தரவின் பேரில் பணியிடை நீக்க உத்தரவு பிறப்பிக்கப்பட்டதாகத் தகவல் வெளியாகியுள்ளது.

இதையும் படிங்க: BREAKING: சற்றுமுன் அரசியலில் பரபரப்பு! திமுக அமைச்சரின் மகள் வீட்டில் ரெய்டு! அதிர்ச்சியில் ஸ்டாலின்...!!!

60 அலுவலகங்களில் ஒரே நேரத்தில் சோதனை

அண்மையில் தமிழகம் முழுவதும் உள்ள பல்வேறு சார் பதிவாளர் அலுவலகங்களில் லஞ்ச ஒழிப்புத்துறையினர் ஒரே நேரத்தில் சோதனை நடத்தினர். பதிவுத் துறையில் நடைபெறும் முறைகேடுகள் மற்றும் வருவாய் இழப்பு தொடர்பான புகார்களின் அடிப்படையில் இந்த நடவடிக்கை மேற்கொள்ளப்பட்டதாக கூறப்படுகிறது.

நெல்லையில் பறிமுதல் செய்யப்பட்ட ரொக்கப் பணம்

சோதனையின் ஒரு பகுதியாக, நெல்லை மாவட்டம் விக்கிரமசிங்கபுரம் சார் பதிவாளர் அலுவலகத்தில் கணக்கில் வராத பல லட்ச ரூபாய் ரொக்கப் பணம் பறிமுதல் செய்யப்பட்டதாக அதிகாரிகள் தெரிவித்துள்ளனர். இதையடுத்து சம்பந்தப்பட்ட ஆவணங்கள் மற்றும் பரிவர்த்தனைகள் குறித்தும் விசாரணை தீவிரப்படுத்தப்பட்டுள்ளது.

மேலும் நடவடிக்கைக்கு எச்சரிக்கை

பதிவுத்துறையில் முறைகேடுகளில் ஈடுபடுவதாக கண்டறியப்படும் அதிகாரிகள் மீது கடுமையான நடவடிக்கைகள் தொடர்ந்து எடுக்கப்படும் என்று துறை வட்டாரங்கள் தெரிவித்துள்ளன. லஞ்ச ஒழிப்புத்துறை சோதனை முடிவுகளின் அடிப்படையில் மேலும் சிலர் மீது நடவடிக்கை எடுக்கப்படும் வாய்ப்பும் இருப்பதாக கூறப்படுகிறது.

இதையும் படிங்க: நள்ளிரவில் இளம்பெண்ணிடம் தாகாத வார்த்தையால் பேசிய தலைமைக்காவலர்! உங்க அம்மாவை என்கிட்ட பேச சொல்லு.... அநாகரிக ஆடியோவால் அதிர்ச்சி..!!!