ஷாக் நியூஷ்! இனி இவர்களுக்கு மின் இணைப்பு ரத்து செய்யப்படும்...! மின்வாரியம் எடுத்த அதிரடி நடவடிக்கை..!!!

தமிழ்நாட்டில் 90 நாட்களுக்கு மேல் பயன்பாட்டில் இல்லாத மின் இணைப்புகளைக் கண்டறிந்து, அவற்றின் மீட்டர்களை அகற்ற தமிழ்நாடு மின்சார வாரியம் நடவடிக்கை தீவிரப்படுத்தியுள்ளது. மின்சாரத் துறையின் வருவாய் இழப்பைக் குறைக்கும் நோக்கில் இந்த நடவடிக்கை மேற்கொள்ளப்படுவதாக தகவல்கள் தெரிவிக்கின்றன.

முன்னறிவிப்பாக எஸ்.எம்.எஸ்.

மின் இணைப்பை துண்டிக்கும் நடவடிக்கைக்கு முன்பாக, சம்பந்தப்பட்ட நுகர்வோரின் பதிவு செய்யப்பட்ட கைபேசி எண்ணிற்கு எஸ்.எம்.எஸ் மூலம் முன்னெச்சரிக்கை தகவல் அனுப்ப திட்டமிடப்பட்டுள்ளது. இதன் மூலம் நுகர்வோர் தேவையான நடவடிக்கைகளை முன்கூட்டியே மேற்கொள்ளும் வாய்ப்பு கிடைக்கும் என்று அதிகாரிகள் தெரிவித்துள்ளனர்.

இதையும் படிங்க: மகிழ்ச்சியில் பெற்றோர்கள்.... அனைத்து பள்ளிகளின் பள்ளிக்கட்டணம் குறித்து தமிழக அரசு வெளியிட்டுள்ள முக்கிய அறிவிப்பு...!!!

வெளியூரில் வசிப்போருக்கு சிக்கல்?

பல மாதங்களாக வேலை, தொழில் அல்லது பிற காரணங்களால் வெளியூரிலோ, வெளிநாடுகளிலோ வசித்து வரும் குடும்பங்களுக்கும், நீண்ட காலமாக பூட்டியே இருக்கும் வீடுகளின் உரிமையாளர்களுக்கும் இந்த நடவடிக்கை சிரமத்தை ஏற்படுத்தக்கூடும் என்ற கவலை எழுந்துள்ளது.

பொதுமக்கள் மத்தியில் எதிர்பார்ப்பு

இந்த மின் இணைப்பு நடவடிக்கை தொடர்பாக தெளிவான வழிகாட்டுதல்களையும், பயன்பாட்டில் இல்லாத இணைப்புகளுக்கான விதிமுறைகளையும் மின்சார வாரியம் விரைவில் வெளியிட வேண்டும் என்று பொதுமக்கள் எதிர்பார்ப்பு தெரிவித்து வருகின்றனர்.

இதையும் படிங்க: அதிமுக எம்.எல்.ஏ-க்கள் ராஜினாமாவிற்கு எடப்பாடி எடுத்த அதிரடி முடிவு! அரசியல் வட்டாரத்தில் பரபரப்பு...!!!