ரூ.4 லட்சத்திற்கு டீல் பேசி கணவனின் கால்களை உடைக்க வைத்த மனைவி! பகீர் பின்னணியால் வெளியான பரபரப்பு வீடியோ..!!!

சென்னை தாம்பரம் அருகே குடும்பத் தகராறு அதிர்ச்சி தரும் குற்றச் சம்பவமாக மாறியுள்ளது. மகனை தன்னிடம் ஒப்படைக்காததால் ஆத்திரமடைந்த மனைவி, கணவரை தாக்க கூலிப்படையை ஏவியதாக போலீஸ் விசாரணையில் தெரியவந்துள்ளது. இந்த வழக்கில் மனைவி உட்பட 3 பேர் கைது செய்யப்பட்டுள்ளனர்.

தாம்பரம் பகுதியில் வசித்து வந்த தாமோதரன் (42) - வசந்தா (40) தம்பதியருக்கு 11 வயதில் ஒரு மகன் உள்ளார். சில காலத்திற்கு முன்பு வசந்தா தனது கணவரைப் பிரிந்து வேறு ஒருவருடன் சென்றதாக கூறப்படுகிறது. அதன்பிறகு மகனை தன்னிடம் ஒப்படைக்குமாறு தாமோதரனிடம் அவர் கேட்டுள்ளார்.

மகனை ஒப்படைக்க மறுத்ததால் மோதல்

தகவலின்படி, மகனை தருவதற்கு தாமோதரன் மறுப்பு தெரிவித்ததால் இருவருக்கும் இடையே கருத்து வேறுபாடு நீடித்துள்ளது. இதனால் ஏற்பட்ட ஆத்திரத்தில் வசந்தா, கடந்த ஏப்ரல் 19-ஆம் தேதி சிலருக்கு பணம் கொடுத்து தாக்குதல் நடத்த ஏற்பாடு செய்ததாக விசாரணையில் தெரியவந்துள்ளது.

இதையும் படிங்க: தகாத வார்த்தைகளை தாங்க முடியாமல் எதிர்த்து பேசிய பெண்! நிமிடத்தில் அரங்கேறிய அட்டூழியம்..... அதிர்ச்சி சிசிடிவி வீடியோ!!!

வழிமறித்து நடந்த கொடூர தாக்குதல்

போலீசார் கூறுகையில், சுமார் ரூ.4 லட்சம் பணம் பெற்றதாகக் கூறப்படும் கூலிப்படை உறுப்பினர்கள் தாமோதரனை வழிமறித்து தாக்கியுள்ளனர். தாக்குதலில் அவரது கால்கள் முறிந்ததாகவும், அவர் படுகாயங்களுடன் மருத்துவ சிகிச்சை பெற்றதாகவும் தெரிவிக்கப்பட்டுள்ளது.

வெளியான CCTV காட்சிகள்

இதையடுத்து பதிவு செய்யப்பட்ட வழக்கில் போலீசார் தீவிர விசாரணை நடத்தினர். அதன்பின் தாக்குதலுக்கு காரணமாக இருந்ததாகக் கூறப்படும் வசந்தா மற்றும் மேலும் இருவரை கைது செய்து நீதிமன்றத்தில் ஆஜர்படுத்தி சிறையில் அடைத்தனர்.

இந்நிலையில், தாமோதரன் மீது நடத்தப்பட்ட தாக்குதலின் CCTV காட்சிகள் தற்போது வெளியாகி சமூக வலைதளங்களில் வேகமாக பரவி வருகின்றன. அந்த காட்சிகள் பொதுமக்கள் மத்தியில் பரபரப்பை ஏற்படுத்தியுள்ள நிலையில், வழக்கின் அடுத்தகட்ட விசாரணையை போலீசார் தொடர்ந்து மேற்கொண்டு வருகின்றனர்.

இதையும் படிங்க: நடுரோட்டில் பொண்டாட்டி அடிச்சா தப்பு இல்ல.... ஆனால் புருஷன் அடுச்சா தப்பா? அடி தாங்க முடியாமல் கதறி அழுத கணவன்! அதிர்ச்சி வீடியோ..!!!