ஏழை பெண்கள் எதிக்கொள்ளும் துயரம்! தமிழக ரேஷன் கடைகளில் இலவசமான சேனிட்டரி நாப்கின்....! உயர்நீதிமன்றம் போட்ட அதிரடி உத்தரவு.!!

பெண்களின் ஆரோக்கியத்தை நேரடியாக பாதிக்கும் சானிட்டரி நேப்கின்களின் கிடைப்புத் தட்டுப்பாடு குறித்து நீதித்துறையில் முக்கியமான ஆலோசனைகள் நடைபெற்று வருகின்றன. இதன் மூலம் பெண்களின் சுகாதார பாதுகாப்பு குறித்து அரசு எடுத்துக்கொள்ள வேண்டிய நடவடிக்கைகள் மீண்டும் கவனத்திற்கு வருகிறது.

ரேஷன் கடைகளில் நேப்கின் வழங்கல் – உயர்நீதிமன்றம் கடும் எச்சரிக்கை

தமிழக ரேஷன் கடைகளில் சானிட்டரி நேப்கின்களை மானிய விலையில் அல்லது இலவசமாக வழங்க வேண்டும் என்ற கோரிக்கையைச் சுட்டிக்காட்டிய வழக்கில், டிசம்பர் 16-ஆம் தேதிக்குள் பதில் அளிக்காவிட்டால் மூன்று துறைகளின் செயலாளர்கள் நேரில் உயர்நீதிமன்றத்தில் ஆஜராக வேண்டும் என்று சென்னை உயர்நீதிமன்றம் உத்தரவிட்டுள்ளது.

பதிலளிக்காவிட்டால் நேரில் ஆஜராக வேண்டும்

சுகாதாரத் துறையும் சமூக நலத்துறையும் உட்பட சம்பந்தப்பட்ட துறை செயலாளர்கள், நிர்ணயிக்கப்பட்ட தேதிக்குள் விளக்கம் அளிக்க வேண்டும் என்று நீதிமன்றம் வலியுறுத்தியுள்ளது. இதனையடுத்து வழக்கின் விசாரணை டிசம்பர் 16-ஆம் தேதிக்கு ஒத்திவைக்கப்பட்டுள்ளது.

ஏழை பெண்கள் எதிர்கொள்ளும் துயரம்

தாம்பரத்தைச் சேர்ந்த வழக்கறிஞர் லட்சுமி ராஜா தாக்கல் செய்த மனுவில், நேப்கின்களின் அதிக விலை காரணமாக ஏழை பெண்கள் அவற்றை வாங்க முடியாமல் துன்புறுவதாகவும், கிராமப்புற பெண்கள் மாற்று மற்றும் ஆரோக்கியமற்ற நடைமுறைகளை பின்பற்ற நேரிடுவதாகவும் குறிப்பிடப்பட்டுள்ளது.

இந்த வழக்கு, பெண்களின் பிரசவ மற்றும் மாதவிடாய் சுகாதார பாதுகாப்பு மிக அவசியமானது என்பதை வலியுறுத்தி, அரசு மக்கள் நலனுக்காக உடனடி நடவடிக்கை எடுக்க வேண்டிய தேவை இருப்பதை மீண்டும் ஒரு முறை வெளிப்படுத்தியுள்ளது.