சலூன் கடையில் தலையில் மசாஜ் செய்யும்போது நொடியில் பேச்சு மூச்சு இல்லாமல் மயங்கிய விழுந்த நபர்! கழுத்தை எப்படி திருப்புனாருன்னு தெரியல.... அதிர்ச்சி வீடியோ..!!!

சலூன்களில் தலை மற்றும் கழுத்து மசாஜ் செய்து கொள்வது பலரின் வழக்கமாக உள்ளது. ஆனால், அத்தகைய சேவைகளில் கவனக்குறைவு ஏற்பட்டால் அது உடல்நலத்திற்கு ஆபத்தை ஏற்படுத்தக்கூடும் என்பதை நினைவூட்டும் வீடியோ ஒன்று தற்போது சமூக வலைதளங்களில் வேகமாக பரவி வருகிறது. அந்த காட்சியில், மசாஜ் செய்யும் போது இளைஞர் ஒருவர் திடீரென மயங்கி விழுவது பதிவாகியுள்ளது.

மசாஜ் செய்தபோது நிகழ்ந்த திடீர் மயக்கம்

சைலேஷ் வர்மா என்ற பயனர் தனது எக்ஸ் தளத்தில் பகிர்ந்துள்ள வீடியோவில், சலூனில் அமர்ந்திருந்த நபருக்கு ஊழியர் தலை மசாஜ் செய்து கொண்டிருந்தார். அப்போது கழுத்துப் பகுதியில் திடீரென அதிக அழுத்தம் கொடுக்கப்பட்டதாக தெரிகிறது.

இதையும் படிங்க: அவரு வந்து உதவலனா அவ்வளவுதான்.... செங்குத்தான ரோட்டில் பின்னோக்கி சரிந்த பைக்! அடுத்த நொடி வந்த கடவுளை பாருங்க....நெகிழ்ச்சியில் நெட்டிசன்கள்...!!!

இதனால் அந்த நபர் அடுத்த சில நொடிகளிலேயே சுயநினைவை இழந்து நாற்காலியிலேயே சரிந்து விழுந்தார். இதைக் கண்ட அங்கிருந்த வாடிக்கையாளர்களும் ஊழியர்களும் அதிர்ச்சியடைந்தனர். அந்த தருணம் முழுவதும் வீடியோவில் பதிவாகியுள்ளது.

‘Beauty Parlour Stroke Syndrome’ விவாதம்

ஜூன் 17 அன்று இணையத்தில் பதிவேற்றப்பட்ட இந்த வீடியோ எங்கு, எப்போது எடுக்கப்பட்டது என்பது தொடர்பான அதிகாரப்பூர்வ தகவல்கள் வெளியாகவில்லை. இருந்தாலும், இந்த காட்சி சமூக வலைதளங்களில் பரவலான விவாதத்தை ஏற்படுத்தியுள்ளது.

பல பயனர்கள் இதனை Beauty Parlour Stroke Syndrome எனப்படும் மருத்துவ நிலைமையுடன் தொடர்புபடுத்தி கருத்து தெரிவித்து வருகின்றனர். கழுத்தை தவறான கோணத்தில் திருப்புவது அல்லது அதிக அழுத்தம் கொடுப்பது மூளைக்கு செல்லும் இரத்த ஓட்டத்தை பாதிக்கக்கூடும் என்றும் அவர்கள் குறிப்பிட்டு வருகின்றனர்.

எச்சரிக்கையுடன் இருக்க வேண்டியது அவசியம்

தகவலின்படி, கழுத்துப் பகுதியில் ஏற்படும் திடீர் அழுத்தம் காரணமாக தலைச்சுற்றல், கண் இருளுதல், மயக்கம் மற்றும் சிலருக்கு பக்கவாதம் போன்ற பாதிப்புகளும் ஏற்பட வாய்ப்பு இருப்பதாக சமூக வலைதளங்களில் எச்சரிக்கைகள் பகிரப்பட்டு வருகின்றன.

இதையடுத்து, சலூன்களில் கழுத்தை ஆபத்தான முறையில் திருப்பும் நடைமுறைகளை கட்டுப்படுத்த வேண்டும் என்றும், மசாஜ் செய்து கொள்வோர் தங்களது உடல்நிலையை கருத்தில் கொண்டு கூடுதல் கவனத்துடன் இருக்க வேண்டும் என்றும் பலர் வலியுறுத்தி வருகின்றனர்.

இதையும் படிங்க: குடித்துவிட்டு போதையில் தூங்கிய இளம்பெண்ணுக்கு நள்ளிரவில் அருகில் காத்திருந்த அதிர்ச்சி! அலறியடித்து ஓடிய பெண்.... அதிர்ச்சி சம்பவம்..!!!