ஷாக்... நோயாளியின் உயிரை குடித்த ஒரே ஒரு ஊசி...! சென்னை அரசு மருத்துவமனை வளாகத்தில் உறவினர்கள் போராட்டம்...!!!

சென்னை ராஜீவ்காந்தி அரசு பொது மருத்துவமனையில் சிகிச்சை பெற்று வந்த நோயாளி உயிரிழந்ததைத் தொடர்ந்து, அவரது உறவினர்கள் மருத்துவமனை வளாகத்தில் போராட்டத்தில் ஈடுபட்டனர். தவறான சிகிச்சையே உயிரிழப்புக்கு காரணம் என அவர்கள் குற்றம்சாட்டியதால் பரபரப்பு ஏற்பட்டது.

போரூரைச் சேர்ந்த திருநாவுக்கரசு, சிறுநீரகக் கோளாறு காரணமாக ராஜீவ்காந்தி அரசு மருத்துவமனையில் அனுமதிக்கப்பட்டு சிகிச்சை பெற்று வந்தார். கடந்த செப்டம்பர் 25-ஆம் தேதி அவருக்கு ஊசி செலுத்தப்பட்டதாகவும், அதன்பிறகு உடலில் அலர்ஜி ஏற்பட்டதாகவும் உறவினர்கள் தெரிவித்துள்ளனர்.

இதையும் படிங்க: ஐயோ! இப்படியா ஆகணும்.... கிணறு தோண்ட போன இளைஞர்களுக்கு நேர்ந்த விபரீதம்! கனமழையால் ஈரமண் சரிந்து விழுந்து 2 பேர் உயிரிழப்பு! நெஞ்சை உலுக்கும் சோகம்!!!

ஊசி செலுத்திய பின் உடல்நிலையில் மாற்றம்

அலர்ஜி ஏற்பட்டதைத் தொடர்ந்து அவரது தோலின் நிறம் மாறி, தீக்காயம் ஏற்பட்டது போல் உடலில் பாதிப்பு காணப்பட்டதாக கூறப்படுகிறது. இதையடுத்து திருநாவுக்கரசு தீவிர சிகிச்சைப் பிரிவில் அனுமதிக்கப்பட்டு தொடர்ந்து கண்காணிக்கப்பட்டார்.

சிகிச்சை பலனின்றி உயிரிழப்பு

இந்நிலையில், தீவிர சிகிச்சை அளிக்கப்பட்டும் அவரது உடல்நிலையில் முன்னேற்றம் ஏற்படவில்லை. பின்னர் சிகிச்சை பலனின்றி திருநாவுக்கரசு உயிரிழந்தார். இதனால் அதிர்ச்சியடைந்த குடும்பத்தினர், மருத்துவர்களின் அலட்சியமே உயிரிழப்புக்கு காரணம் என குற்றம்சாட்டினர்.

மருத்துவமனை வளாகத்தில் உறவினர்கள் போராட்டம்

உரிய விசாரணை நடத்தி நடவடிக்கை எடுக்க வேண்டும் என வலியுறுத்தி உறவினர்கள் மருத்துவமனை வளாகத்தில் போராட்டத்தில் ஈடுபட்டனர். தகவல் அறிந்து வந்த காவல்துறையினரும் மருத்துவமனை நிர்வாகத்தினரும் அவர்களிடம் பேச்சுவார்த்தை நடத்தினர். நோயாளியின் உயிரிழப்புக்கான காரணம் குறித்து தற்போது விசாரணை நடைபெற்று வருகிறது.

இதையும் படிங்க: BREAKING: போக்சோ வழக்கில் கைதான ஜெம் கிரானைட்ஸ் வீரமணி உள்ளிட்ட 3 பேர் மீது பாய்ந்தது குண்டர் தடுப்பு சட்டம்..!!