அக்டோபர் 1 முதல் ரயில் டிக்கெட் புக்கிங்கில் புதிய நடைமுறை மாற்றம்! புதிய கட்டுப்பாடுகள் அறிவிப்பு!

இந்திய ரெயில்வே துறை பயணிகளின் நலனையும், முன்பதிவு முறையில் வெளிப்படைத்தன்மையையும் உறுதிப்படுத்தும் நோக்கில் புதிய கட்டுப்பாடுகளை அறிவித்துள்ளது. இந்த நடைமுறைகள் மூலம் மோசடி தடுப்பு மற்றும் நியாயமான முன்பதிவு உறுதி செய்யப்படும்.

அக்டோபர் 1 முதல் புதிய நடைமுறை

வரும் அக்டோபர் 1, 2025 முதல் பொதுமுன்பதிவு டிக்கெட்டுகளுக்கும் ஆதார் இணைப்பு கட்டாயமாகிறது. முதல் 15 நிமிடங்களில் முன்பதிவு செய்ய விரும்பும் பயணிகள், தங்களது IRCTC கணக்குடன் ஆதார் எண் இணைத்திருக்க வேண்டும் என அதிகாரிகள் தெரிவித்துள்ளனர்.

முன்னர் தட்கலுக்கு மட்டும் இருந்த விதி

இதுவரை இந்த விதி தட்கல் டிக்கெட் முன்பதிவிற்கே மட்டுப்படுத்தப்பட்டிருந்த நிலையில், இப்போது பொதுமுன்பதிவு டிக்கெட்டுகளுக்கும் இதே விதி அமல்படுத்தப்படுகிறது. இதன் மூலம் அதிக கோரிக்கை நேரங்களில் உண்மையான பயணிகளுக்கு முன்னுரிமை கிடைக்கும்.

இதையும் படிங்க: நகைப்பிரியர்கள் மகிழ்ச்சி! சரசரவென குறைந்த தங்கம் விலை! 3 நாளில் சவரனுக்கு இவ்வளவு குறைவா! தங்கம் வாங்க சரியான நேரம்...

உதாரணமாக

நவம்பர் 15 ஆம் தேதி பயணம் செய்ய விரும்புவோர், அதன் 60 நாட்களுக்கு முன்பு செப்டம்பர் 16 காலை 8 மணிக்கு முன்பதிவு தொடங்க வேண்டும். அந்த நேரத்தில் 8.00 மணி முதல் 8.15 மணி வரை ஆதார் இணைப்புடன் உள்ள பயணிகளுக்கே முன்பதிவு செய்ய அனுமதி வழங்கப்படும்.

வெளிப்படைத்தன்மை மற்றும் நம்பிக்கை

இந்த நடைமுறை மூலம் ரெயில்வே துறை டிக்கெட் முறையில் நம்பகத்தன்மையை அதிகரிக்கிறது. தொழில்நுட்ப குறைபாடுகள் மற்றும் அநியாய முன்பதிவுகளை தடுக்கவும், உண்மையான பயணிகளுக்கு முன்னுரிமை வழங்கவும் இந்த புதிய மாற்றம் பெரும் பங்கு வகிக்கும்.

மொத்தத்தில், புதிய விதிகள் ரெயில்வே பயணிகளுக்கு மேலும் நியாயமான, வெளிப்படையான முன்பதிவை வழங்கும் என்று நம்பப்படுகிறது.

இதையும் படிங்க: நாளை முதல் Google Pay, Phone Pay பயன்பாட்டில் புதிய கட்டுப்பாடுகள்! இனி ஒரு நாளைக்கு 50 முறை மட்டும்தான்! கட்டாயம் தெரிஞ்சுக்கோங்க...