அந்த கடவுளாவது காப்பாத்திருக்கலாம்..... ஆன்மீகப் பயணம் முடிந்து வீடு திரும்பிய தம்பதி! நொடியில் மடிந்த இரு உயிர்கள்.... பதறவைக்கும் சம்பவம்!!!

போலவரம் மாவட்டம் மாரேடுமில்லி மண்டலத்தில் நடந்த சாலை விபத்தில் கணவன், மனைவி இருவரும் சம்பவ இடத்திலேயே உயிரிழந்தனர். சீக்கடிகொப்பலு பகுதியில் மோட்டார் சைக்கிளில் சென்ற தம்பதி மீது எதிரே வந்த கார் மோதியதில் இந்த சோகம் நிகழ்ந்துள்ளது.

கொருகொண்டா மண்டலம் ராகவாபுரத்தைச் சேர்ந்த சீனு மற்றும் அவரது மனைவி சோபாரானி ஆகியோர் மாரேடுமில்லியில் உள்ள புனித தலத்திற்குச் சென்று வழிபட்டுவிட்டு, மோட்டார் சைக்கிளில் வீட்டுக்கு திரும்பிக் கொண்டிருந்தனர். அப்போது ஜங்காரெட்டிகூடம் பகுதியிலிருந்து வந்த கார், அவர்கள் சென்ற இருசக்கர வாகனம் மீது எதிர்பாராதவிதமாக மோதியது.

இதையும் படிங்க: ஐயோ... நாட்றம் தாங்க முடியல! வீட்டை திறந்த போது கழிப்பறையில் கிடந்த அதிர்ச்சி! பகீர் சம்பவம்!!!

சாலையில் நடந்த கோர விபத்து

கார் மோதிய வேகத்தில் மோட்டார் சைக்கிளில் இருந்து தூக்கி வீசப்பட்ட தம்பதியினர் படுகாயமடைந்தனர். ஆனால், அவர்களை மீட்கும் முன்பே இருவரும் உயிரிழந்தனர். இதனால் அப்பகுதியில் சிறிது நேரம் பரபரப்பு ஏற்பட்டது.

போலீசார் விசாரணை

தகவல் அறிந்து சம்பவ இடத்துக்கு சென்ற போலீசார், இருவரின் உடல்களையும் மீட்டு பிரேத பரிசோதனைக்காக மருத்துவமனைக்கு அனுப்பி வைத்தனர். மேலும், மாரேடுமில்லி சாலை விபத்து குறித்து வழக்குப்பதிவு செய்து விசாரணை நடத்தி வருகின்றனர். கார் ஓட்டுநரின் நிலை மற்றும் விபத்துக்கான காரணம் குறித்து தொடர்ந்து விசாரிக்கப்பட்டு வருகிறது.

புனித தலத்துக்குச் சென்று வழிபாடு முடித்துவிட்டு வீடு திரும்பிய தம்பதி, எதிர்பாராத சாலை விபத்தில் உயிரிழந்தது ராகவாபுரம் பகுதி மக்களிடையே சோகத்தை ஏற்படுத்தியுள்ளது. கணவன் மனைவி பலி தொடர்பாக போலீசார் தொடர்ந்து விசாரணை மேற்கொண்டு வருகின்றனர்.

இதையும் படிங்க: BREAKING: பொங்கல் பரிசுத் தொகுப்பு ரூ.300 கோடி ஒதுக்கீடு! அமைச்சர் விஜய் பாலாஜி அறிவித்த குட் நியூஷ்!!!