செஞ்சி சிறுமி மாயத்தில் திடீர் ட்விஸ்ட்...! 26 நாட்களுக்குப் பின் வெளியான அதிர்ச்சி தகவல்... இத யாரும் எதிர்பார்க்கல..! சிபிசிஐடி கையில் கிடைத்த திடுக்கிடும் துப்பு..!!!
விழுப்புரம் மாவட்டம் செஞ்சி அருகே காணாமல் போன 7 வயது ஹேமலதாவைத் தேடும் சிபிசிஐடி விசாரணையில் புதிய தகவல் கிடைத்துள்ளது. இருவருடன் சிறுமி சென்றதாகக் கூறப்படும் தகவலால், கடத்தல் கோணத்தில் போலீசார் விசாரணையைத் தீவிரப்படுத்தியுள்ளனர்.
by
விழுப்புரம் மாவட்டம் செஞ்சி அருகே கடந்த அக்டோபர் 11-ம் தேதி காணாமல் போன 7 வயது சிறுமி ஹேமலதாவைத் தேடும் பணியில் சிபிசிஐடி போலீசாருக்கு புதிய தகவல் கிடைத்துள்ளது. நள்ளிரவு நேரத்தில் சிறுமி இரண்டு மர்ம நபர்களுடன் சென்றதாகக் கிடைத்த தகவலின் அடிப்படையில், கடத்தல் கோணத்தில் விசாரணை தீவிரப்படுத்தப்பட்டுள்ளது.
அக்டோபர் 11 முதல் தொடரும் தேடுதல் வேட்டை
ஆலம்பூண்டி குளக்கரை தெருவைச் சேர்ந்த வடிவேலு - பவானி தம்பதியின் மகள் ஹேமலதா, அக்டோபர் 11-ம் தேதி நள்ளிரவில் திடீரென காணாமல் போனார். இதுகுறித்து முதலில் உள்ளூர் போலீசார் விசாரணை நடத்தினர். எந்தத் துப்பும் கிடைக்காத நிலையில், வழக்கு சிபிசிஐடிக்கு மாற்றப்பட்டது. இதையடுத்து கிணறுகள், சுடுகாடுகள் உள்ளிட்ட பல்வேறு இடங்களில் தேடுதல் பணி மேற்கொள்ளப்பட்டது.
இரண்டு மர்ம நபர்களுடன் சென்றதாகத் தகவல்
சிபிசிஐடி போலீசாருக்கு கிடைத்துள்ளதாகக் கூறப்படும் ரகசியத் தகவலின்படி, சிறுமி இரண்டு ஆண்களுடன் நடந்து சென்றதாக சிலர் தெரிவித்துள்ளனர். அவர்களின் அடையாளங்கள் மற்றும் சிறுமியின் உடல்வாகு ஆகியவற்றை வைத்து விசாரணை நடைபெற்று வருகிறது. இதனால், சிறுமி தானாக வீட்டை விட்டு வெளியேறினாரா அல்லது யாராவது அழைத்துச் சென்றார்களா என்ற கோணத்திலும் போலீசார் விசாரித்து வருகின்றனர்.
சுங்கச்சாவடி, பெட்ரோல் பங்குகளில் சிசிடிவி ஆய்வு
சிறுமியை அழைத்துச் சென்றதாகச் சந்தேகிக்கப்படும் நபர்கள் உள்ளூரைச் சேர்ந்தவர்களா அல்லது வெளியூரிலிருந்து வந்தவர்களா என்பது குறித்தும் விசாரணை நடக்கிறது. நாமக்கல், சேந்தமங்கலம் உள்ளிட்ட பகுதிகளிலும் தேடுதல் பணி மேற்கொள்ளப்பட்டு வருகிறது. சாட்சிகள் அளித்த தகவல்களின் அடிப்படையில் சந்தேக நபர்களின் அடையாளங்களைத் திரட்டும் பணியும் நடைபெறுகிறது.
இதற்கிடையே, நெடுஞ்சாலைகளில் உள்ள சுங்கச்சாவடிகள் மற்றும் பெட்ரோல் பங்குகளில் பதிவான சிசிடிவி காட்சிகளை போலீசார் ஆய்வு செய்து வருகின்றனர். தனது மகள் உயிருடன் இருப்பார் என்ற நம்பிக்கையுடன் தாய் பவானி காத்திருக்கிறார். புதிய தகவல்களின் அடிப்படையில் விசாரணை தொடரும் நிலையில், சிறுமியை விரைவில் மீட்க வேண்டும் என்பதே குடும்பத்தினரின் எதிர்பார்ப்பாக உள்ளது.
