என்கிட்டயே உன் வேலைய காட்டுறியா..! அதிகாலையில் வீடு புகுந்து கள்ளகாதலனின் வெறிச்செயல்..! அலறல் சத்தம் கேட்டு ஓடி வந்த அக்கம்பக்கத்தினர் கண்ட அதிர்ச்சி..... பகீர் சம்பவம்..!!!
சென்னை மாங்காடு அருகே பழக்கத்தைத் துண்டித்த பெண்ணை வீட்டுக்குள் புகுந்து கத்தியால் குத்திய சம்பத் கைது செய்யப்பட்டார். காயமடைந்த பெண் அரசு மருத்துவமனையில் சிகிச்சை பெற்று வருகிறார்.
by
சென்னை மாங்காடு அருகே பழக்கத்தைத் துண்டித்த பெண்ணை வீட்டுக்குள் புகுந்து கத்தியால் குத்திய 38 வயது சம்பத்தை போலீசார் கைது செய்துள்ளனர். பரணிபுத்தூர் பெரிய கொளுத்துவான்சேரி பகுதியில் நவம்பர் 12-ஆம் தேதி அதிகாலை இந்தச் சம்பவம் நடந்துள்ளது. காயமடைந்த கஸ்தூரி (32), சென்னை அரசு மருத்துவமனையில் சிகிச்சை பெற்று வருகிறார்.
பழக்கத்தைத் துண்டித்ததால் ஏற்பட்ட ஆத்திரம்
கணவரைப் பிரிந்து தனது குழந்தைகளுடன் தனியாக வசித்து வந்தவர் கஸ்தூரி. அப்பகுதியில் டைல்ஸ் வேலை செய்து வந்த சம்பத்துடன் அவருக்குப் பழக்கம் ஏற்பட்டுள்ளது. நாளடைவில் இருவருக்கும் நெருக்கம் அதிகரித்துள்ளது. ஆனால், கடந்த சில வாரங்களாக சம்பத்தின் நடவடிக்கைகள் பிடிக்காததால் கஸ்தூரி அவருடன் பேசுவதைத் தவிர்த்து வந்துள்ளார்.
இதையும் படிங்க: அண்ணா.. ஹெல்ப் பண்ணுங்க! லிப்ட் கேட்டு வீட்டிற்கு அழைத்து சென்ற பெண் செய்த அதிர்ச்சி! காவல் நிலையத்தில் கதறிய இளைஞர்.. பரபரப்பு சம்பவம்..!!!
இதனால் ஆத்திரமடைந்த சம்பத், நவம்பர் 12-ஆம் தேதி அதிகாலை கஸ்தூரியின் வீட்டுக்குள் அத்துமீறி நுழைந்துள்ளார். அங்கு அவரைத் தாக்கியதுடன், மார்புப் பகுதியில் கத்தியால் குத்திவிட்டு தப்பியோடியதாக போலீசார் தெரிவித்துள்ளனர்.
அலறல் சத்தம் கேட்டு ஓடிவந்த அக்கம்பக்கத்தினர்
கஸ்தூரியின் அலறல் சத்தம் கேட்டு அக்கம்பக்கத்தினர் வீட்டுக்கு விரைந்து சென்றனர். அப்போது அவர் ரத்தக் காயங்களுடன் மயங்கிக் கிடந்தார். உடனடியாக அவரை மீட்டு சென்னை அரசு மருத்துவமனைக்குக் கொண்டு சென்று சிகிச்சைக்காக அனுமதித்தனர்.
தலைமறைவான சம்பத் கைது
இதுகுறித்து மாங்காடு போலீசார் வழக்குப் பதிவு செய்து விசாரணை நடத்தினர். தாக்குதலைத் தொடர்ந்து தப்பியோடிய சம்பத்தைத் தேடி வந்த போலீசார், அவரைப் பிடித்துக் கைது செய்தனர். அவரிடம் தொடர்ந்து விசாரணை நடைபெற்று வருகிறது.
