நள்ளிரவில் கேட்ட பயங்கர சத்தம்! தூங்கி கொண்டிருந்த இளைஞர்கு நேர்ந்தது பயங்கரம்.... அலறி துடித்த பெற்றோர்! குலை நடுங்க வைக்கும் சம்பவம்...!!!

கோவை மாவட்டம் கிணத்துக்கடவு அருகே நள்ளிரவில் வீட்டிற்குள் புகுந்த மர்ம நபர்கள், 22 வயது இளைஞரை அரிவாளால் வெட்டியும் சுத்தியலால் தாக்கியும் கொலை செய்த சம்பவம் பரபரப்பை ஏற்படுத்தியுள்ளது. முதற்கட்ட விசாரணையில் முன்விரோதம் காரணமாக இந்த கொலை நடந்திருக்கலாம் என போலீசார் தெரிவித்துள்ளனர். தலைமறைவாக உள்ள இருவரை பிடிக்க தனிப்படை அமைத்து தேடுதல் நடைபெற்று வருகிறது.

நள்ளிரவில் வீட்டிற்குள் புகுந்து தாக்குதல்

பொள்ளாச்சி அருகே சிக்கலாம்பாளையம் பகுதியைச் சேர்ந்த அஸ்வின் (22), நேற்று நள்ளிரவு வீட்டில் தூங்கிக் கொண்டிருந்தார். அப்போது வீட்டிற்குள் அத்துமீறி நுழைந்த கும்பல், அரிவாளால் சரமாரியாக வெட்டியும் சுத்தியலால் தாக்கியும் கொடூரமாகக் கொலை செய்ததாக கூறப்படுகிறது. அலறல் சத்தம் கேட்டு வந்த குடும்பத்தினர், ரத்த வெள்ளத்தில் கிடந்த அஸ்வினைப் பார்த்து அதிர்ச்சியடைந்து உடனடியாக போலீசாருக்கு தகவல் அளித்தனர்.

இதையும் படிங்க: யூடியூபர் சவுக்கு சங்கரின் மகன் தற்கொலை! காரணத்தை கேட்டா ஆடிப்போயிருவீங்க.... பகீர் சம்பவம்..!!!

தடயங்கள் சேகரித்து தீவிர விசாரணை

தகவலறிந்த கிணத்துக்கடவு காவல்துறையினர் சம்பவ இடத்திற்கு விரைந்து சென்று, அஸ்வினின் உடலை மீட்டு பிரேதப் பரிசோதனைக்காக பொள்ளாச்சி அரசு மருத்துவமனைக்கு அனுப்பினர். தடயவியல் நிபுணர்கள், கைரேகை நிபுணர்கள் மற்றும் மோப்ப நாய் உதவியுடன் ரத்த மாதிரிகள், ஆயுத தடயங்கள் உள்ளிட்ட முக்கிய ஆதாரங்கள் சேகரிக்கப்பட்டன. இதையடுத்து வழக்குப் பதிவு செய்து விசாரணை தீவிரப்படுத்தப்பட்டது.

முன்விரோதம் காரணமா?

போலீசாரின் முதற்கட்ட விசாரணையில், அதே பகுதியைச் சேர்ந்த மாதேஷ் (22) மற்றும் 16 வயது சிறுவன் ஒருவருக்கும் அஸ்வினுக்கும் இடையே இருந்த முன்விரோதமே கொலைக்கு காரணமாக இருந்திருக்கலாம் என்பது தெரியவந்துள்ளது. மது அருந்துவது தொடர்பாக சில நாட்களுக்கு முன்பு ஏற்பட்ட தகராறில், மாதேஷை அஸ்வின் கண்டித்ததாக கூறப்படுகிறது. இதனால் ஏற்பட்ட ஆத்திரத்தில், இருவரும் சேர்ந்து திட்டமிட்டு நள்ளிரவில் வீட்டிற்குள் புகுந்து தாக்குதல் நடத்தியதாக விசாரணையில் தெரியவந்துள்ளது.

தலைமறைவாக உள்ள மாதேஷ் மற்றும் அந்தச் சிறுவனை கைது செய்ய கிணத்துக்கடவு போலீசார் தனிப்படை அமைத்து தீவிர தேடுதல் வேட்டையில் ஈடுபட்டுள்ளனர். வீட்டிற்குள் புகுந்து இளைஞர் கொலை செய்யப்பட்ட இந்த சம்பவம் அப்பகுதி மக்களிடையே அச்சத்தை ஏற்படுத்தியுள்ள நிலையில், குற்றவாளிகளை விரைவாக கைது செய்து கடுமையான நடவடிக்கை எடுக்க வேண்டும் என்ற கோரிக்கையும் வலுத்துள்ளது.

இதையும் படிங்க: என்ன ஒரு நடிப்புடா சாமி! வலிப்பு வந்தது போல நடுரோட்டில் நாடகமாடிய பெண்! கடைசியில் அம்பலமான பகீர் பின்னணி…!!!