மக்களே....மகளிர் உரிமைத்தொகை தொடர்ந்து பெற வேண்டுமா? உடனே இத செய்யுங்க! அரசு வெளியிட்ட எச்சரிக்கை!!!

தமிழக அரசின் முக்கிய சமூக நலத் திட்டங்களில் ஒன்றான கலைஞர் மகளிர் உரிமைத்தொகை திட்டம் மூலம் தகுதியான பெண்களுக்கு மாதந்தோறும் ரூ.1000 வழங்கப்படுகிறது. இந்தத் தொகையை தொடர்ந்து பெற விரும்பும் பயனாளிகள் தங்களுடைய ரேஷன் அட்டை செயல்பாட்டில் இருக்குமாறு கவனம் செலுத்த வேண்டும் என்று அதிகாரிகள் வலியுறுத்தியுள்ளனர்.

மூன்று மாதம் பொருள் வாங்காவிட்டால் அட்டை முடக்கம்

பொதுவாக நியாயவிலைக் கடைகளில் இருந்து தொடர்ந்து மூன்று மாதங்களுக்கு மேல் எந்தப் பொருட்களையும் வாங்காதவர்களின் ரேஷன் அட்டைகள் ‘பயன்பாடற்றவை’ எனக் கருதப்பட்டு முடக்கப்படும் வாய்ப்பு உள்ளது. இந்த நடைமுறை அரசின் பொது விநியோக அமைப்பைச் சரியாக பராமரிக்கவும், தகுதியானவர்களுக்கே மானியங்கள் சென்றடையவும் செயல்படுத்தப்படுகிறது.

ஒருமுறை அட்டை முடக்கப்பட்டால், மாதந்தோறும் வழங்கப்படும் ₹1000 உரிமைத்தொகை மட்டுமல்லாமல், அரசின் பொங்கல் பரிசு தொகுப்பு மற்றும் பேரிடர் கால நிவாரண உதவிகளும் கிடைக்காமல் போகும் அபாயம் இருப்பதாக அதிகாரிகள் தெரிவித்துள்ளனர்.

இதையும் படிங்க: இந்த ரேஷன் கார்டுதாரர்களுக்கு இனி பொருட்கள் கிடையாது! தமிழக அரசு வெளியிட்ட அதிரடி பட்டியல் இதோ...!

மாதத்திற்கு ஒருமுறை பொருள் வாங்க வேண்டும்

எனவே ரேஷன் அட்டை செயல்பாட்டில் இருப்பதை உறுதி செய்ய, பயனாளிகள் குறைந்தது மாதம் ஒருமுறை நியாயவிலைக் கடையில் இருந்து ஏதேனும் ஒரு மானியப் பொருளை வாங்குவது அவசியமாகும் என்று அறிவுறுத்தப்பட்டுள்ளது.

அரசு வழங்கும் மானியப் பொருட்கள் தேவையில்லாதவர்கள் தாங்களாகவே முன்வந்து தங்கள் ரேஷன் அட்டையை ‘பொருட்கள் இல்லா அட்டை’ (No Commodity Card) ஆக மாற்றிக்கொள்ளும் வசதியும் வழங்கப்பட்டுள்ளது.

பயனாளிகள் கவனிக்க வேண்டியது

ரேஷன் அட்டையின் நிலையை தொடர்ந்து சரிபார்த்து, சரியான நேரத்தில் பொருட்களை வாங்கி பராமரிப்பது பயனாளிகளுக்கு மிகவும் முக்கியமானதாகும். இதன் மூலம் அரசு வழங்கும் அனைத்து நிதி உதவிகளையும் தடையின்றி பெற முடியும்.

இந்த நடைமுறைகள் அனைத்தும் அரசின் மானியங்கள் மற்றும் நலத்திட்டங்கள் உண்மையில் தகுதியான குடும்பங்களுக்கு சென்றடைய வேண்டும் என்ற நோக்கத்துடன் அமல்படுத்தப்பட்டுள்ளன. எனவே பயனாளிகள் தங்கள் ரேஷன் அட்டை பயன்பாட்டை முறையாக பராமரிக்க வேண்டும் என்று அதிகாரிகள் மீண்டும் வலியுறுத்தியுள்ளனர்.

இதையும் படிங்க: மீண்டும் இன்ப அதிர்ச்சி கொடுக்கும் முதல்வர் ஸ்டாலின் ! மகளிர் உரிமைத்தொகை திட்டத்தில் காத்திருக்கும் பெரிய சர்ப்ரைஸ்... தகுதிகளில் தளர்வு !!!