இதுதான் நல்ல முடிவு... காருக்கு காத்திருக்காமல் ஸ்கூட்டரில் பறந்து வந்த எம்.எல்.ஏ! இணையத்தை கலக்கும் வைரல் காட்சி...!!!

சென்னை நேரு உள்விளையாட்டு அரங்கில் நடைபெற்ற தமிழக முதலமைச்சர் சி. ஜோசப் விஜயின் பதவியேற்பு விழா பெரும் உற்சாகத்துடன் நடைபெற்றது. ஆயிரக்கணக்கான தொண்டர்கள் மற்றும் பொதுமக்கள் திரண்டதால், அரங்கம் சுற்றிய பகுதிகளில் கடும் போக்குவரத்து நெரிசல் நிலவியது. இந்த சூழலில் தவெக எம்.எல்.ஏ ஜே.சி.டி பிரபாகர் எடுத்த ஒரு முடிவு தற்போது சமூக வலைதளங்களில் பேசுபொருளாக மாறியுள்ளது.

காரை காத்திருக்காமல் ஸ்கூட்டரில் புறப்பட்ட எம்.எல்.ஏ

விழாவிற்கு நேரத்தில் சென்று சேர வேண்டும் என்பதால், தனது கார் வரும் வரை காத்திருக்காமல் அங்கு இருந்த தொண்டர் ஒருவரின் இருசக்கர வாகனத்தில் ஜே.சி.டி பிரபாகர் ஏறிச் சென்றார். பாதுகாப்பு வாகனங்கள் மற்றும் முக்கிய பிரமுகர்களின் கார்கள் நீண்ட வரிசையில் நின்றிருந்த நேரத்தில், அவர் எடுத்த இந்த முடிவு அங்கிருந்தவர்களின் கவனத்தை ஈர்த்தது.

சாதாரண தொண்டருடன் எந்த வித ஆடம்பரமும் இன்றி ஸ்கூட்டரில் சென்ற அவரது எளிமையை பலரும் பாராட்டி வருகின்றனர். குறிப்பாக ஜே.சி.டி பிரபாகர் ஸ்கூட்டரில் செல்லும் காட்சிகள் அங்கிருந்தவர்களால் மொபைல் போன்களில் பதிவு செய்யப்பட்டன.

இதையும் படிங்க: திருமணச் சடங்கில் மணமகள் செய்த வேலையை பாருங்க! பாவம் அந்த மாப்பிள்ளை.... வேற வழியில்லை! வைரலாகும் வீடியோ!

சமூக வலைதளங்களில் வைரலாகும் காட்சிகள்

இதையடுத்து அந்த வீடியோ மற்றும் புகைப்படங்கள் சமூக வலைதளங்களில் வேகமாக பரவி வருகின்றன. “இவர்தான் உண்மையான மக்கள் தொண்டர்” என்ற வாசகத்துடன் பலரும் அந்த பதிவுகளை பகிர்ந்து வருகின்றனர்.

மேலும், தவெக நிர்வாகிகள் மற்றும் தொண்டர்களும் அவரது எளிமையை பாராட்டி பதிவுகள் வெளியிட்டு வருகின்றனர். பதவியேற்பு விழாவின் பரபரப்புக்கிடையே நடந்த இந்த சம்பவம், அன்றைய நிகழ்வின் முக்கிய தருணங்களில் ஒன்றாக மாறியுள்ளது.

இதையும் படிங்க: போலீஸை கேள்வி கேக்க ஆள் இல்லையா? ஹெல்மெட்டுக்கு FINE போடும் இடத்திலேயே விதி மீறிய போலீஸ்! இளைஞரின் துணிச்சல் செயலின் காட்சி...