மகளிருக்கு 5 ஆடுகள் இலவசம்! யாருக்கெல்லாம் தெரியுமா? வெளியான சூப்பர் அறிவிப்பு!!!

பெண்களின் பொருளாதார நிலையை வலுப்படுத்தும் நோக்கில் தமிழக அரசின் புதிய வெற்றி மகளிர் ஆடு வளர்ப்பு திட்டம் பட்ஜெட்டில் அறிவிக்கப்பட்டுள்ளது. இந்தத் திட்டத்தின் கீழ் தகுதியான பெண்களுக்கு முழு மானியத்தில் இலவசமாக 5 ஆடுகள் வழங்கப்பட உள்ளன. இதன் மூலம் மாநிலம் முழுவதும் 30 ஆயிரம் பேர் நேரடியாகப் பயனடைவார்கள் என அரசு தெரிவித்துள்ளது.

நலிவடைந்த பிரிவினருக்கு முன்னுரிமை

கைம்பெண்கள், ஆதரவற்ற பெண்கள், திருநங்கைகள் மற்றும் மாற்றுத்திறனாளிகள் உள்ளிட்ட சமூகத்தில் நலிவடைந்த பிரிவினருக்கு இந்தத் திட்டத்தில் முன்னுரிமை அளிக்கப்படுகிறது. பெண்கள் தங்களுக்கான நிலையான வருமானத்தை உருவாக்கி, சுயதொழிலில் முன்னேற வேண்டும் என்பதே இந்த முயற்சியின் முக்கிய நோக்கமாகக் கூறப்பட்டுள்ளது.

இதையும் படிங்க: BREAKING: மகிழ்ச்சி செய்தி! உதவித்தொகை ரூ.6,000-ல் இருந்து ரூ.7,000-ஆக உயர்வு! சற்று முன்... தமிழக பட்ஜெட்டில் வெளியான அறிவிப்பு…!!!

ரூ.110 கோடி நிதி ஒதுக்கீடு

தகவலின்படி, திட்டத்தை முழுமையாக செயல்படுத்த தமிழக அரசு ரூ.110 கோடி நிதியை ஒதுக்கியுள்ளது. ஆடு வளர்ப்பை சிறு தொழிலாக மாற்றி, குடும்ப வருமானத்தை உயர்த்தும் வகையில் இந்தத் திட்டம் வடிவமைக்கப்பட்டுள்ளதாக பட்ஜெட் அறிவிப்பில் குறிப்பிடப்பட்டுள்ளது.

கிராமப்புற மக்களிடம் வரவேற்பு

இலவசமாக 5 ஆடுகள் வழங்கப்படும் என்ற அறிவிப்பு வெளியானதைத் தொடர்ந்து, குறிப்பாக கிராமப்புறப் பெண்கள் மற்றும் விளிம்புநிலை மக்களிடையே நல்ல வரவேற்பு ஏற்பட்டுள்ளது. பெண்களின் வாழ்வாதாரத்தை மேம்படுத்தி, அவர்களை பொருளாதார ரீதியாக தன்னிறைவு பெறச் செய்யும் முக்கிய நடவடிக்கையாக இந்தத் திட்டம் பார்க்கப்படுகிறது.

இதையும் படிங்க: BREAKING: ஒவ்வொரு துறைக்கும் எவ்வளவு கோடி நிதி ஒதுக்கீடு….. சட்டப்பேரவையில் நிதியமைச்சர் வெளியிட்ட முழு லிஸ்ட் இதோ...!!!