மக்களே உஷார்! மாநகராட்சி ஊழியர்கள் போல வீடுகளுக்கு சென்று கொசு மருந்து அடித்த மர்ம நபர்கள்..! உடனே 3 பெண்களுக்கு நடந்த அதிர்ச்சி... இறுதியில் வெளிவந்த பகீர் உண்மை..!!!

சென்னை கொடுங்கையூர் திருவள்ளுவர் நகரில், மாநகராட்சி ஊழியர்கள் எனக் கூறிக்கொண்டு வீடுகளுக்குச் சென்ற இரண்டு மர்ம நபர்கள் தெளித்த திரவத்தால் மூன்று பெண்களுக்கு உடல்நல பாதிப்பு ஏற்பட்டுள்ளது. அவர்களுக்கு மூச்சுத்திணறல் உள்ளிட்ட பிரச்சினைகள் ஏற்பட்டதால் மருத்துவமனையில் அனுமதிக்கப்பட்டுள்ளனர். மாநகராட்சி சார்பில் யாரும் மருந்து தெளிக்க அனுப்பப்படவில்லை என்பது போலீசார் விசாரணையில் தெரியவந்துள்ளது.

மாநகராட்சி ஊழியர்கள் எனக் கூறி வீடுகளில் திரவம் தெளிப்பு

கொடுங்கையூர் திருவள்ளுவர் நகர் பகுதியில் இரண்டு அடையாளம் தெரியாத நபர்கள் வீடு வீடாகச் சென்றுள்ளனர். தாங்கள் மாநகராட்சி ஊழியர்கள் என்றும், கொசு மருந்து தெளிக்க வந்திருப்பதாகவும் கூறி வீடுகளில் மர்ம திரவத்தைத் தெளித்துள்ளனர். அவர்கள் தெளித்த திரவத்தின் நெடியால் அப்பகுதி மக்களுக்கு பாதிப்பு ஏற்பட்டுள்ளது.

இதையும் படிங்க: நான் இருக்குற வேதனையில் நீ இப்படி பண்றியே...! கணவனுக்கு மனைவியால் நள்ளிரவில் நடந்த பயங்கரம்... திடுக்கிடும் பின்னணி..!!

மூன்று பெண்களுக்கு மூச்சுத்திணறல்

இதில் ராஜேஸ்வரி என்ற பெண்ணுக்கு கடுமையான மூச்சுத்திணறல் ஏற்பட்டதால், அவர் உடனடியாகத் தனியார் மருத்துவமனையில் அனுமதிக்கப்பட்டார். மேலும், சுமதி மற்றும் சுமித்ரா ஆகிய இரண்டு பெண்களுக்கும் மூச்சுத்திணறல், நெஞ்செரிச்சல் ஏற்பட்டுள்ளது. அவர்களும் மருத்துவமனையில் சிகிச்சை பெற்று வருகின்றனர்.

மர்ம நபர்களைத் தேடும் போலீசார்

இதுகுறித்து போலீசார் விசாரணை நடத்தியபோது, அந்தப் பகுதியில் கொசு மருந்து தெளிப்பதற்காக மாநகராட்சி சார்பில் ஊழியர்கள் யாரும் அனுப்பப்படவில்லை என்பது தெரியவந்துள்ளது. இதையடுத்து, மாநகராட்சி ஊழியர்கள் போல நடித்து திரவத்தைத் தெளித்துச் சென்ற மர்ம நபர்களை போலீசார் தேடி வருகின்றனர். அவர்கள் பயன்படுத்திய திரவம் என்ன, எதற்காக அதைத் தெளித்தனர் என்பது குறித்தும் விசாரணை நடைபெற்று வருகிறது.

இதையும் படிங்க: சிறுவனுக்கு கேக்கை ஊட்டி விட்ட முதல்வர் விஜய் கேட்ட கேள்வி! குழந்தை கொடுத்த ரியாக்சன் தான் ஹைலைட்.... இணையத்தை கலக்கும் வீடியோ..!!!