மாமியார் உயிருடன் இருக்கும் வரை.... அந்த விஷயம் நடக்காது! மனைவிக்காக காத்திருந்த கணவனின் வெறிச்செயல்! பழனி அருகே நடந்த பகீர் சம்பவம்!!!

திண்டுக்கல் மாவட்டம் பழனி அருகே குடும்பத் தகராறு கொடூரமாக முடிந்துள்ளது. மனைவியுடன் ஏற்பட்ட கருத்து வேறுபாட்டால் பிரிந்து வாழ்ந்த நபர், மாமியாரை குத்திக்கொன்ற சம்பவம் அதிர்ச்சியை ஏற்படுத்தியுள்ளது. சம்பவத்துக்குப் பிறகு தப்பியோடிய அவர், போலீசாரால் கைது செய்யப்பட்டார்.

பிரிவு வாழ்க்கை பின்னணி

பழனி அருகே நெய்க்காரப்பட்டியைச் சேர்ந்த அஜ்மத் உசேன் (41), செல்போன் கடை நடத்தி வருபவர். இவருக்கும் தஸ்லீமா பேகம் என்பவருக்கும் 13 ஆண்டுகளுக்கு முன்பு திருமணம் நடந்தது. இருவருக்கும் இரண்டு மகன்கள் உள்ளனர். கருத்து வேறுபாடு அதிகரித்ததால், தஸ்லீமா தனது குழந்தைகளுடன் அமராவதியில் உள்ள தாய் ஆசியம்மாள் வீட்டில் தங்கி வந்ததுடன், விவாகரத்திற்கும் முயற்சி செய்து வந்ததாக கூறப்படுகிறது.

வாக்குவாதம் வன்முறையாக மாறியது

இதற்கிடையில், கடந்த 16-ம் தேதி இரவு தனது குடும்பத்தை மீண்டும் ஒன்றுசேர்க்கும் நோக்கில் அஜ்மத் உசேன் மாமியார் வீட்டிற்கு சென்றுள்ளார். அப்போது மனைவி இல்லாத நிலையில், ஆசியம்மாளிடம் குடும்பத்தை சேர்க்குமாறு கேட்டுள்ளார். ஆனால், அதற்கு அவர் மறுப்பு தெரிவித்ததால் கடும் வாக்குவாதம் ஏற்பட்டுள்ளது. இதனால் ஆத்திரமடைந்த அவர், மறைத்து வைத்திருந்த கத்தியால் ஆசியம்மாளை சரமாரியாக குத்தியுள்ளார். இந்த கொலை தாக்குதலில் பலத்த காயமடைந்த அவர் சம்பவ இடத்திலேயே உயிரிழந்தார்.

இதையும் படிங்க: நிர்வாணமாக கிடந்த இளம்பெண்ணின் சடலம்! சிசிடிவி மூலம் வெளிவந்த உண்மை.... திருநங்கையின் தலைக்கேறிய காம வெறியால் நள்ளிரவில் நடந்த கொடூர சம்பவம்….!!!

தப்பியோடியவர் கைது

சம்பவத்திற்குப் பிறகு அங்கிருந்து தப்பியோடிய அஜ்மத் உசேனை பிடிக்க போலீசார் தனிப்படை அமைத்து தேடுதல் நடத்தினர். இறுதியில் அவர் கைது செய்யப்பட்டார். விசாரணையில், “மாமியார் உயிருடன் இருக்கும் வரை குடும்பம் சேராது என்ற கோபத்தில் இந்த செயலை செய்தேன்” என்று வாக்குமூலம் அளித்துள்ளார். தொடர்ந்து அவர் நீதிமன்றத்தில் ஆஜர்படுத்தப்பட்டு சிறையில் அடைக்கப்பட்டார்.

குடும்பத் தகராறு இவ்வாறு கொலையில் முடிந்தது அப்பகுதி மக்களிடையே பெரும் அதிர்ச்சியை ஏற்படுத்தியுள்ளது.

இதையும் படிங்க: அண்ணனை கொடூரமாக கோடாரியால் கொன்ற தம்பி! அதிரவைக்கும் காரணம்... பெரியப்பாவிற்கு போன் செய்து சொன்ன ஷாக் தகவல்!!!